Adzin ź ich płanujecca pabudavać kala budynka muzieja Vialikaj Ajčynnaj vajny na Kastryčnickaj płoščy.
Taksama płanujecca pabudavać hatel da 30 pavierchaŭ nasuprać 15‑ha korpusa BNTU va Uruččy. Placoŭka pad jaho budaŭnictva vystaŭlena na aŭkcyjon.
Prapracoŭvajecca mahčymaść budaŭnictva 22‑paviarchovaha hatela ŭ rajonie stadyjona «Dynama». «Jość žadańnie ŭ patencyjalnych inviestaraŭ, i my ich prapanovy razhladajem», — zaznačyŭ V.Nikicin.
Siarod cikavych inviestycyjnych prajektaŭ jon adznačyŭ prajekt znosu internata BDU na praśpiekcie Niezaležnaści i budaŭnictva na hetym miescy bujnoha handlova‑administracyjnaha centra. Vyšynny budynak budzie pabudavany na miescy kafe «Rečańka» na praśpiekcie Niezaležnaści. Taksama praduhledžvajecca pabudavać dva vyšynnyja administracyjna‑handlovyja budynki — u 40 i 45 pavierchaŭ — na vulicy Maksima Tanka ŭ rajonie Jubilejnaj płoščy. Prajektavańnie ŭžo viadziecca.
V.Nikicin taksama paviedamiŭ, što 1 lipienia zaviaršajucca budaŭničyja raboty ŭ hateli «Jeŭropa», sioleta budzie adkryty hatel «Viktoryja» i, mahčyma, da kanca hoda — «Prynces hatel» (były hatel «Śvisłač»).
