U pieršym tury nichto z troch kandydataŭ nie atrymaŭ nieabchodny dla pieramohi 61 hołas. Pieres atrymaŭ 58 hałasoŭ parlamentaryjaŭ. Reŭvien Ryŭlin — 37, Kolet Avital —21 hołas.
Ryŭlin i Avital źniali svaje kandydatury. Takim čynam 83‑hadovy kandydat ad partyi «Kadyma» Šyman Pieres u druhim tury staŭ adzinym kandydatam. Za jaho prahałasavali 86 deputataŭ, suprać 23.
***
Šyman Pieres (Pierski) naradziŭsia 1 žniŭnia 1923 h. u Višnievie (siońnia Vałožynski r-n Mienskaj vobł.) U 1934 h. siamja Pierskich vyemihravała ŭ Palestynu. U 1984—1986, 1994—1996 hh. źjaŭlaŭsia premjer-ministram Izrailu.
Šyman Peres staŭ trecim prezydentam krainy (nia błytać z premjerami!) — uradžencam Biełarusi. Pieršym uradžencam — i prezydentam — byŭ Chaim Vejcman (Motal, 1949—1952), u 1963—1973 hh. prezydentam Izraliju abiraŭsia ŭradženiec Miru Załman Šazar.
Heta była druhaja sproba 83-hadovaha palityka zaniać post kiraŭnika dziaržavy. U 2000 h. Pieres prajhraŭ na vybarach Maše Kacavu. Praŭda, asnoŭnaja ŭłada ŭ Izraili naležyć premjer-ministru.
