Pavodle prahnozu Respublikanskaha hidramieteacentra, 16 červienia ŭ Biełarusi budzie pieramiennaja vobłačnaść. Na bolšaj častcy terytoryi Bresckaj, Hrodzienskaj, Minskaj i Viciebskaj abłaściej, a na astatniaj terytoryi miescami projduć karotkačasovyja daždžy, navalnicy. Pa zachodniaj pałovie ŭ asobnych rajonach mocnyja liŭni, u dzionnyja časy miescami hrad. Viecier paŭdniova‑ŭschodni, 6‑11 m/s, pry navalnicach miescami škvalistaje ŭzmacnieńnie vietru da 15‑20 m/s. Tempieratura pavietra nočču +13‑19°S, dniom +27‑32°S, pa paŭnočnym uschodzie +23‑26°S.
U Minsku 16 červienia pieramiennaja vobłačnaść, karotkačasovy doždž, navalnica, dniom u asobnych rajonach horada mahčymy hrad. Viecier paŭdniova‑ŭschodni, 6‑11 m/s, pry navalnicy nočču paryvy da 14 m/s, dniom da 15‑20 m/s. Tempieratura pavietra nočču +14‑16°S, dniom kala +30°S.
17 červienia ŭ Biełarusi budzie vobłačna z prajaśnieńniami, nočču na bolšaj častcy terytoryi, dniom u asnoŭnym pa ŭschodniaj pałovie karotkačasovyja daždžy, navalnicy. Dniom va ŭschodnich rajonach mahčymy hrad. Viecier paŭdniovy ź pierachodam na zachodni, 6‑11 m/s, pry navalnicach paryvy da 15‑20 m/s. Tempieratura pavietra nočču +14‑20°C, dniom +21‑27°C, pa paŭdniovym uschodzie Homielskaj vobłaści +28‑30°C.
18 červienia pa krainie čakajecca pieramiennaja vobłačnaść. Nočču pieravažna biez apadkaŭ, dniom u asobnych rajonach karotkačasovyja daždžy, navalnicy. Viecier niaŭstojlivy, 3‑8 m/s, pry navalnicach paryvy da 14 m/s. Tempieratura pavietra nočču +10‑16°C, dniom +21‑27°C, pa paŭdniovym uschodzie da +29°C.
