Rada AAN u pravoch čałavieka vyklučyła Biełaruś dy Kubu z «čornaha śpisu krain», jakija patrabujuć stałaha nazirańnia. Rašeńnie było pryniataje pozna ŭnačy. Pasiedžańnie, jakoje ahułam praciahvałasia 14 hadzin, niekalki razoŭ spyniałasia ŭ źviazku sa sprobaj asobnych krain blakavać prajekt kampramisnaha pahadnieńnia ab novych mechanizmach nazirańnia za pravami čałavieka.
Pavodle dyplamataŭ, Biełaruś i Kuba stali hetak zvanaj «raźmiennaj kartaj» dla siabroŭ Rady dziela taho, kab harantavać dalejšuju dziejnaść hetaha novaha pravaachoŭnaha orhanu AAN.
Svajo rašeńnie Rada arhumentavała tym, što ŭ hetych abiedźviuch krainach specdakładčyki pracavali bolš za šeść hadoŭ.
Vyklučyŭšy Biełaruś sa śpisu krain, dzie nieabchodna ździajśniać kantrol za pravami čałavieka, Rada AAN pierahledzieła rašeńnie, jakoje raniej było pryniataje strukturaj‑papiarednicaj — Kamisijaj u pravoch čałavieka .
Zhodna z rašeńniami Rady AAN, stałaje nazirańnie zastaniecca ŭ dzieviaci prablemnych krainach, uklučna z Paŭnočnaj Karejaj, Kambodžaj, Sudanam, Samali. U dačynieńni da inšych krain‑siabroŭ AAN budzie ŭžyvacca praktyka peryjadyčnaha nazirańnia za stanam pravoŭ čałavieka.
***
Kamentar Alaksandra Milinkieviča: Rada AAN pa pravach čałavieka pavinna stała nazirać za parušeńniami pravoŭ čałavieka, inakš jana nie patrebna
«Biełaruś, patrapiŭšy pad novy mechanizm peryjadyčnaha nazirańnia ŭ halinie vykanańnia pravoŭ čałavieka, budzie manitaravacca vyklučna paviarchoŭna i prykładna raz na čatyry hady, — ličyć Alaksandar Milinkievič. — Pradstaŭnikam niaŭradavych pravaabarončych arhanizacyjaŭ budzie niemahčyma nazirać za stałymi parušeńniami ŭ halinie pravoŭ čałavieka ŭ našaj krainie. Kali dadzienaje kampramisnaje pahadnieńnie ab novym mechaniźmie nazirańnia za sytuacyjaj z pravami čałavieka budzie pryniataje, Rada AAN pieratvorycca ŭ biezdapamožnuju strukturu nie majučuju mahčymaściaŭ efektyŭna kantralavać vykanańnie pravoŭ čałavieka ŭ prablematyčnych krainach», – zajaviŭ zajaviŭ laŭreat premii Eŭraparlamentu imia Andreja Sacharava «Svaboda dumki» za 2006 hod.
