Druhuju čarhu budaŭnictva kancertna‑zabaŭlalnaha kompleksu Letniaha amfiteatru płanujecca pačać adrazu pa zaviaršeńni fiestyvalu «Słavianski bazar u Viciebsku 2007». Adnak inviestycyi dla hetaha pačynajuć šukać tolki zaraz.
Viciebski harvykankam abviaščaje konkurs na pryciahnieńnie inviestaraŭ dla realizacyi druhoj čarhi zabudovy, pra heta paviedamlaje BIEŁTA sa słoŭ pieršaha namieśnika staršyni harvykankama Uładzimira Katašuka. Prajekt praduhledžvaje źjaŭleńnie na placoŭcy kala amfiteatra abjektaŭ handlu i hramadskaha charčavańnia, boŭlinha, mini‑akvaparka i dziciačaha zabaŭlalnaha kompleksa.
Da ŭdziełu ŭ konkursie zaprašajucca fizičnyja i jurydyčnyja asoby. Duža vialikaja zacikaŭlenaść u zamiežnych inviestycyjach. Patreba ŭ hrošach takaja, što harvykankam hatovy na ŭniasieńnie źmienaŭ u prajekt zhodna z prapanovami inviestaraŭ. Kali majecie hrošy, to možacie pabudavać u centry Viciebska jašče jakuju‑niebudź hieamietryčnuju sparudu pa svaim uzory.
Nahadajem, što pieršaja čarha kompleksu — rekanstrukcyja amfiteatru i pabudova dachu — apłačvałasia ź biudžetu i kaštavała 35 miljardaŭ rubloŭ. Adnak druhaja čarha budzie budavacca pry padtrymcy pryvatnaha kapitału, pra heta zajaviŭ Uładzimir Katašuk.
 |
