Naviny
Rasieja ŭciahvaje Biełaruś
u svaju arbitu
U Miensk prybyŭ desant rasiejskich čynoŭnikaŭ na čale z Prymakovym, vielmi padobny da taho, jaki adbyŭsia ŭ listapadzie 1996 h.
Adnačasova deputaty Dziarždumy Rasiei ŭpieršyniu pryniali Zinaidu Hančar, Volhu i Śviatłanu Zavadzkich, Irynu Krasoŭskuju, Tacianu Leanovič-Klimavu i Juliju Čyhir. Abmiarkoŭvałasia mahčymaść pravieści ŭ Dumie słuchańni pa prablemie źnikłych biaź viestak biełaruskich palitykaŭ i žurnalistaŭ.
Pikiet u abaronu “pahonieŭcaŭ”
U Horadni adbyŭsia pikiet, 30 udzielnikaŭ jakoha pratestavali suprać prysudu, vyniesienaha M.Markieviču i P.Mažejku. Abyšłosia biez zatrymańniaŭ. Arhanizatary abiacajuć vychodzić na pikiety štodnia, pakul ułady nie admieniać prysudu žurnalistam.
KDB padtrymaŭ pratestantaŭ
Pałata pradstaŭnikoŭ pieraniesła na vosień razhlad u druhim čytańni zakonaprajektu “Ab svabodzie sumleńnia i relihijnych arhanizacyjach”. Suprać zakonaprajektu vystupili nia tolki lidery pratestanckich, judejskich, unijackich hramadaŭ, ale i KDB Biełarusi, zajaviŭšy, što pryniaćcio hetaha zakonaprajektu moža pryvieści da šmatlikich akcyj pratestu.
Apisanaja majomaść Sajuzu piśmieńnikaŭ
Sudovy vykanaŭca sudu Partyzanskaha rajonu Miensku apisała majomaść Sajuzu piśmieńnikaŭ: dva kamputary “Dajnova” i “Seleron”, ladoŭniu “Miensk” i aŭtamabil “Žyhuli”. Tak vykonvajecca pastanova sudu — adabrać u SP nieabchodnuju sumu, kab vypłacić zarobak byłoj hałoŭnaj buchhaltarcy sajuzu Śviatłanie Rybakovaj. Zarpłaty nie płacili, bo sajuz ź letašniaha lipienia nie atrymaŭ ź dziaržbiudžetu ni kapiejki naležnych jamu hrošaj. Staršynia Sajuzu piśmieńnikaŭ Volha Ipatava abskardžvaje vopis majomaści ŭ haradzkim sudzie.
Hipermarkiety ŭ Miensku
Da 8 lipienia buduć nazvanyja firmy-pieramožcy konkursu na pabudovu ŭ Miensku dvuch hipermarkietaŭ. Adzin zmurujuć na skryžavańni Vaniejeva i Rakasoŭskaha, druhi — na Łabanka-Fiodarava.
Niamieččyna—Brazylija
U finale mundyjalu ŭ niadzielu sustrenucca zbornyja Niamieččyny i Brazylii. Za treciaje miesca buduć zmahacca zbornyja Turcyi dy Paŭdniovaj Karei. U paŭfinałach navički sastupili hrandam z adnolkavym likam 0:1.