Nota
Rady Biełaruskaj Narodnaj Respubliki
U interviju maskoŭskaj hazecie “Iźviestija” 10 lipienia 2002 hodu ministar zamiežnych spravaŭ Rasiejskaj Federacyi Ihar Ivanoŭ zakranuŭ prablemu Kalininhradzkaj vobłaści. Jon vykazaŭsia za stvareńnie “tranzytu”, jaki daść mahčymaść svabodnaha prajezdu hramadzianaŭ RF u Kalininhrad praz terytoryju Litoŭskaj Respubliki.
Na pytańnie, jak razumieć paniatak “tranzyt”, ministar adkazaŭ: “Ruch praz terytoryju Litvy ad adnoj rasiejskaj miažy da druhoj”.
Adnak ministar zamiežnych spravaŭ Rasiei nia moža nia viedać, što Litva, akramia miažy z Kalininhradzkaj vobłaściu, nia maje druhoj miažy z Rasiejaj – jana miažuje ź Biełaruśsiu. Treba mierkavać, što mienavita hetuju miažu i maje na ŭvazie ministar.
Takaja zajava kiraŭnika rasiejskaha zamiežnapalityčnaha viedamstva nia moža być vynikam zvyčajnaj ahavorki. Hetyja słovy vyjaŭlajuć ihnaravańnie Maskvoj Biełarusi jak niezaležnaj i suverennaj dziaržavy, što absalutna niedapuščalna ŭ praktycy miždziaržaŭnych stasunkaŭ.
Rada BNR, jakaja ŭvasablaje ideju biełaruskaj Niezaležnaści i vykonvaje funkcyi ŭradu ŭ vyhnańni, vykazvaje hetym pratest Ministerstvu zamiežnych spravaŭ Rasiejskaj Federacyi.
Ivonka Surviłła, Staršynia Rady BNR
Vilnia, 14 lipienia 2002 h.
