Dziaržaŭny kamitet pa majomaści planuje ciaham 2007 h. akcyjanavać 7 pradpryjemstvaŭ. Try ź ich ujaŭlajuć dla ajčynnaj ekanomiki važnaje značeńnie, paviedamlaje hazeta «Biełorusy i rynok». Heta Biełaruski cementavy zavod, Kryčaŭski cementna‑šyferny zavod i Haradzienskaja tytuniovaja fabryka. Pieralik pradpryjemstvaŭ, što majuć pryvatyzavać u biahučym hodzie, zamacavany pastanovaj Dziaržkamitetu pa majomaści №30 ad 28 traŭnia 2007 h. U minułym hodzie ź dzieviaci zaplanavanych da prodažu, źmianił status tolki čatyry pradpryjemstvy.
Ministar architektury i budaŭnictva Alaksandar Sielaźnioŭ paviedamiŭ, što Biełaruski cementavy zavod budzie pryvatyzavany ŭ bližejšy čas. Na pieršym etapie dziarždola ŭ akcyjanernym kapitale pradpryjemstva budzie składać 100%. Standartnaja pracedura akcyjanavańnia zajmaje kala paŭhodu, adnak na patrabavańnie ŭradu praces moža zavieršycca ŭ bolš karotkija terminy. Biełaruskimi cementnymi zavodami cikaviacca investary ź Iranu Kipru, Aŭstryi dy Ehiptu.
Haradzienskaja tytuniovaja fabryka ŭniesienaja ŭ śpis pradpryjemstvaŭ, refarmavać jakoje planujecca da kanca hodu. Adnak niezaležnyja eksperty ŭ hetym pytańni bolš aściarožnyja.
