Naviny
na tydni
padzieńnie tydnia
Jarmošyn
Były premjer-ministar Biełarusi Ŭładzimier Jarmošyn uznačaliŭ biełaruskaje adździaleńnie aperatara sotavaje suviazi “MTS”.
rekordy tydnia
Konkursy ŭ VNU
Sioleta ŭ VNU Biełarusi było padadziena 85847 zajavaŭ. Siaredni konkurs skłaŭ 3,5 čałavieka na miesca. Najvyšejšy konkurs — 6,3 čałavieka na miesca — u Akademii kiravańnia. Za joju idzie Homielskaja vyšejšaja kamandna-inžynernaja vučelnia MNS — 6 čałaviek na miesca. Rezka vyrasła papularnaść i inšaje VNU pažarnikaŭ — Kamandna-inžynernaha instytutu MNS (5,8). Na 4-m miescy — Universytet infarmatyki j radyjoelektroniki (5,4). Samaja papularnaja specyjalnaść — “prahramnaje zabieśpiačeńnie infarmacyjnych technalohij” u Palitechnicy — 26 čałaviek na miesca. Dalej specyjalnaść “markietynh” u byłym RTI (19,2). Na specyjalnaści “palihrafičnaje abstalavańnie i systemy apracoŭki infarmacyi” u BNTU i “anhielskaja dy biełaruskaja movy j litaratura” ŭ Biełaruski peduniversytet — 9,5 abituryjenta na miesca.
ličba tydnia
Prybytak ad “Naftanu”
40% pastupleńniaŭ u kansalidavany biudžet Viciebščyny traplajuć z naftachimičnaha Navapołacku. Pieradusim ich daje “Naftan” — 33% ad ahulnych pastupleńniaŭ vobłaści.
biznes tydnia
Dva novyja banki
U krainie stvoranyja dva novyja banki, i abodva z zamiežnym kapitałam. “Łorabank” — z amerykanska-łatvijskim — budzie mieścicca ŭ svabodnaj ekanamičnaj zonie “Miensk”. “Astanaeksymbank” — z kazachskim kapitałam.
raźvitańnie tydnia
“Telepuziki”
Dziciačaja prahrama “Telepuziki” spynić svajo isnavańnie. 365 seryjaŭ źniatyja, bolej nia budzie. Kavałak ziamli płoščaju 6 akraŭ na radzimie Šekśpira, na jakim vialisia zdymki, pradaduć sialanam.
Pavodle Biełapan, Gazeta.ru
haspadarka
PENSII buduć indeksavacca razam z padvyšeńniem pa krainie siarednich zarobkaŭ na 15%. Raniej pieraraźlik adbyvaŭsia, kali zarobki vyrastali na 10%.
PRAŽYĆCIOVY MINIMUM składaje 132,6 tys. rubloŭ u miesiac. Siaredni zarobak pa krainie siońnia 202,8 tysiačy.
Dapuščalny ČAS SPAŹNIEŃNIA pasažyrskich aŭtobusaŭ vyznačyła Ministerstva transpartu. Dla haradzkich i pryharadnych heta 5 chvilinaŭ, dla mižharodnich — 10 chvilinaŭ.
ILHOTY SIAMIEJNIKAM zaprapanavała “Biełavija”. Kali siamja kuplaje kvitki na rejs da Sankt-Pieciarburhu, adzin čałaviek płacić za kvitok poŭnuju sumu, a astatnija — sa źnižkaj na 15%.
PADARAŽELI na 2,6% kamunalnyja pasłuhi — haračaja i chałodnaja vada, aciapleńnie, kanalizacyja i techničnaje absłuhoŭvańnie kvateraŭ.
HRAMADZKI TRANSPART u Miensku padaražeŭ na 25%. Ciapier adnarazovy kvitok kaštuje 150 rub., miesiačny prajazny na 1 vid transpartu — 6750, na 2 vidy — 9000 i na 3 vidy — 10500 rubloŭ.
BIEŁARUSY VYDATKOŬVAJUĆ 70% svajoj valuty na impartovaje adzieńnie i charčavańnie, ćvierdzić kiraŭnik Nacbanku Piatro Prakapovič. Z pačatku hodu hramadzianie krainy kupili ŭ abmieńnikach na 270 młn. dalaraŭ bolej, čym pradali.
STUDENCKIJA INTERNATY padaraželi ŭdvaja. Ciapier, u zaležnaści ad kamfortnaści pakoju, płacić daviadziecca ad 2,4 da 5 tys. rubloŭ u miesiac.
SVABODNYMI ZROBIACCA ceny na małako. Praŭda, pakul małakazavodam dazvolili pradavać svaju pradukcyju z ulikam realnaha sabiekoštu tolki da 1 kastryčnika.
S.I.
Plan maštabnaje pryvatyzacyi
24 lipienia ŭrad pastanaviŭ pryvatyzavać da 1 listapada 188 pradpryjemstvaŭ pa ŭsioj krainie, na jakich pracujuć 70 tys. čałaviek. Ludzi, jakija raniej byli prostymi rabočymi, musiać zrabicca suŭładalnikami pradpryjemstvaŭ.
U adkrytyja akcyjanernyja tavarystvy musiać pieratvarycca takija hihanty, jak vytvorčaje abjadnańnie “Haryzont” (za 5 tys. supracoŭnikaŭ), połackaje “Škłovałakno” (4683 čał.), Mahiloŭski zavod transpartnaha mašynabudavańnia “Mahiloŭtransmaš” (3046 čał.), Homielski chimičny zavod (2827 čał.) dy Bieraściejski elektralampavy zavod (2576 pracaŭnikoŭ). Buduć akcyjanavanyja taksama Mienski palihrafkabinat imia Jakuba Kołasa (1070 čał.) dy Haradzienski škłozavod (855 čał.). Dziaržava “addaje” j faktyčna ŭsiu ptuškahadoŭlu, u tym liku Smalavickuju brojlernuju ptuškafabryku (1233 čał.) dy 1-ju mienskuju ptuškafabryku (855 čał.), a taksama halinu zoaveterynarnaha zabieśpiačeńnia. Samyja maleńkija pradpryjemstvy ŭ śpisie — mienskija “Biełomabud” dy “Erhanomika” — tam usiaho pa 9 supracoŭnikaŭ.
Aleś Kudrycki
