20 červienia u Hłybokaje pryjechali arhanizatary, členy žury i hości Mižnarodnaha katalickaha fiestyvalu chryścijanskich filmaŭ i televizijnych prahram «Magnificat 2007», jaki prachodzić užo ŭ treci raz.
Uračystaje adkryćcio fiestyvalu projdzie siońnia, 21 červienia ŭ Udziele.
Mierapryjemstvy fiestyvalu prachodziać u Hłybokim, a taksama ŭ vioskach Udzieła i Mosar. Roznyja kanfiesii, roznyja tvorčyja płyni abjadnała ideja jevanhielizacyi hramadstva i padtrymki ahulnačałaviečych kaštoŭnaściaŭ srodkami kino i telebačańnia.
Mižnarodny katalicki fiestyval chryścijanskich filmaŭ i teleprahram «Magnificat» źjaŭlajecca ahladam prac biełaruskich i zamiežnych majstroŭ u halinie kino i telebačańnia, skiravanych na jevanhielizacyju hramadstva i padtrymku ahulnačałaviečych kaštoŭnaściaŭ, stvoranych u roznych chryścijanskich tradycyjach.
Zasnavalnikami pieršaha ŭ historyi Biełarusi katalickaha fiestyvalu źjaŭlajucca: Katalickaja asacyjacyja dla kamunikacyj «SIGNIS—Biełaruś», niezaležnaja studyja «Stopkadr», redakcyja relihijnaha časopisa «Dyjałoh», a taksama Viciebskaja dyjacezija Katalickaha Kaścioła. Fiestyval pravodzicca pad patranažam Kanfierencyi Katalickich Biskupaŭ u Biełarusi. Vialikuju dapamohu arhanizataram akazvaje vykanaŭčy kamitet Hłybockaha rajona.
U fiestyvali biaruć udzieł katalickija, pravasłaŭnyja i pratestanckija televizijnyja kanały i kinastudyi z 14 krain śvietu. Na forumie pradstaŭleny taksama śvieckija tvorčyja abjadnańni i asobnyja dziejačy mastactva. Takim čynam, mierapryjemstva maje całkam ekumieničny charaktar, i adzinym kryteryjem dla vyznačeńnia pieramožcaŭ źjaŭlajecca ahulny ŭzrovień pradstaŭlenych prac.
Jašče pra festyval i prahrama kinafesta