***
Vieršy
 |
| Ludka Silnova |
ja
Kryvyja vułki Vilni…
Kaliś vaŭki tut vyli
Na bierazie Vialli
I zvali čaradziejstva
Na łasku i zładziejstva,
A dni, jak śnieh, išli…
Paŭnočnaja stalica!
Bahinia i vaŭčyca:
Bliźniat uzhadavać,
A potym — abiarnucca
Kłubkom źmiainych vulic
I ŭ Viečnaści rastać…
Kamiennaja lehienda.
Naš chram, statut i kreda.
Dy — vietram paniasło
Nasieńnia parušynku,
Jak biełuju śniažynku
Na čornaje kryło…
* * *
Ja dla ciabie — viecier,
Ja — zamak chałodny, pusty
I samy ŭjaŭny na śviecie…
I ci azirniešsia ty
Na šorhat asieńniaha viećcia?
0
0
0
0
0
0
