Lider BNF padtrymaŭ Łukašenku ... Surviłła prapanuje Hryckieviča ... Siemji Vuhlanicy, Žarnasieka ŭ Narvehii...
Lider BNF padtrymaŭ Łukašenku
Prypyniłasia retranślacyja na chvalach biełaruskaha ultrakarotkaha dyjapazonu prahram rasiejskich radyjostancyjaŭ «Majak», «Hołas Rasiei» i «Junactva». Ciapier viaščańnie na hetych chvalach budzie vieści radyjostancyja «Stalica» i abłasnyja radyjostancyi. Staršynia Partyi BNF Vincuk Viačorka zaznačyŭ, što matyvacyja spynieńnia retranślacyi rasiejskich radyjostancyjaŭ — taja ž, što i pierakryćcia rasiejskaha kanału ORT biełaruskim ANT, — «imknieńnie zabiaśpiečyć tatalny kantrol nad infarmacyjnaj prastoraj». Razam z tym, na dumku Viačorki, toje, što zamiest rasiejskamoŭnaj stancyi «Majak» budzie vieści tranślacyi biełaruskamoŭnaja «Stalica», — stanoŭčy fakt.
Surviłła prapanuje Hryckieviča
Nabližajucca 85-ja ŭhodki abvieščańnia niezaležnaści Biełaruskaje Narodnaje Respubliki. Staršynia Rady BNR Ivonka Surviłła zaklikała stvaryć Nacyjanalny arhkamitet śviatkavańnia 85-hodździa Aktu 25 Sakavika ŭ Biełarusi j paprasiła ŭznačalić arhkamitet prafesara Anatola Hryckieviča.
B.T.
Siemji Vuhlanicy, Žarnasieka ŭ Narvehii
Paet Słavamir Adamovič, jaki ŭ 1996 h. za vierš «Ubiej priezidienta» trapiŭ u turmu, paprasiŭ palityčnaha prytułku ŭ Narvehii. Apošnija hady jon byŭ biespracoŭnym, jeździŭ na zarobki za miažu, až pakul nia vyrašyŭ zastacca ŭ Narvehii. Ułady krainy pakul nie adkazali, atrymaje S.Adamovič palityčny prytułak ci nie. Choć precedenty takija byli. U 2001 h. Narvehija pryniała dvuch uciekačoŭ ź Biełarusi — kapitana KDB Hienadzia Vuhlanicu i aktyvista niezarehistravanaj arhanizacyi «Kraj» Andreja Žarnasieka. Doŭhi čas biełaruskija ŭłady pieraškadžali ichnym siemjam vyjechać u Narvehiju. Tolki pry kancy minułaha hodu Vuhlanica i Žarnasiek vyvieźli svaich žanok i dziaciej.
Pavał Sumaroka
