Nejra Dziubel. Piar vo vriemia čumy

Hety albom — treci ŭ historyi hurtu «best».

Pieršy zvaŭsia «Razumnyja rečy», druhi — «Narodny zdabytak». Ad minułych zbornikaŭ hety roźnicca najpierš jakaściu zapisu. Usie pieśni byli syhranyja nanoŭ, aranžyroŭki niekatorych («Vakacyi z Čyčalinaj», «Humovy dom») dapracavanyja, nasyčanyja hitarnym hukam. U časie pracy nad albomam «dziubelam» dapamahaŭ Illa Šeŭčyk — kolišni muzyka «Reju», «Kramy», lider «Mojo Blues».

Nivodzin z raniejšich kaveraŭ «ND» (pieśniaroŭskaja «Vołahda», «Zdravstvuj, čužaja, miłaja» Saładuchi, «Jasny moj śviet» Bułanavaj i h.d.) u «best» nie ŭvajšli. Zatoje jość novy kaver «Buchast» «Rammstein» dy «Skrypka dryhvy» z pakul niavydadzienaha prajektu na vieršy Karatkieviča.

Nia ŭsie prychilniki tvorčaści «dziubelaŭ» pahodziacca z padborkaj piesień — niekamu budzie nie stavać «Piatrovaj», kamuści — «Suślikaŭ-zabojcaŭ». Što parobiš — čas na dysku abmiežavany 80 chvilinami.

Mo varta było źmiaścić na tytule papiaredžańnie ab utrymańni ŭ pieśniach nienarmatyŭnaj leksyki — nia ŭsie ž jašče viedajuć pra takuju ščyraść Kulinkoviča.