25 Krasavika
Superpłuh
Minojtaŭski ramontny zavod (Lidzki rajon) vypuściŭ vyprabavalnuju partyju piacikorpusnych płuhoŭ. Navinka abstalavanaja korpusami z aŭtamatyčnaj abaronaj, što zabiaśpiečvaje tak zvanuju «hładkuju» arbu biez baroznaŭ. Systema abarony dazvalaje płuhu abychodzić kamiani i inšyja pieraškody dy viartacca ŭ zychodny stan. Stavić jaho buduć na traktary «Biełarus». Płuh dazvolić ekanomić na kožnym apracavanym hiektary da 4 litraŭ paliva. Naleta zavod planuje rabić da tysiačy hetkich płuhoŭ u hod.
Nacyjanalizacyi nia budzie
Pałata pradstaŭnikoŭ adchiliła narodžany ŭ prezydenckich strukturach prajekt zakonu «Ab nacyjanalizacyi».
Lohkaja rehistracyja
Sioleta moža źmianicca paradak rehistracyi jurydyčnych asobaŭ dy pradprymalnikaŭ. Nieŭzabavie ŭ pałatu pradstaŭnikoŭ budzie ŭniesieny prajekt zakonu, jaki praduhledžvaje zajaŭlalny, a nie dazvalalny paradak rehistracyi. Kali zakon projdzie, dziaržava zhubić prava admović u rehistracyi. Stvorać adziny rehistracyjny orhan zamiest siońniašnich 16, a likvidavać jurydyčnyja asoby zmoža tolki haspadarčy sud.
Pieravozčykam palohka
Rasiejski dziaržaŭny mytny kamitet na niapeŭny čas prypyniŭ dziejańnie svajho zahadu, zhodna ź jakim biełaruskija pieravozčyki mieli prava dastaŭlać svaje hruzy tolki na 9 składaŭ vakoł Maskvy. Tyja praviły stavili biełarusaŭ u duža niavyhadnyja ŭmovy ŭ paraŭnańni ź pieravozčykami ź inšych krainaŭ.
Avaryja ŭ banku
14 krasavika ŭ 16.30 złamaŭsia hałoŭny kamputarny server «Biełarusbanku». Ramantavali jaho da 4-j ranicy. Vyjaviłasia, što ŭ najbujniejšaha banku krainy niama zapasnoha serveru. Dobra, što avaryja adbyłasia ŭ faktyčna niepracoŭny čas, inakš mižbankaŭskija raźliki byli b spynienyja.
«Biełtranshaz» za hrošy
Łukašenka padpisaŭ ukaz, zhodna ź jakim akcyi «Biełtranshazu» buduć pradavać tolki za hrošy. Heta ž tyčycca ŭsich bujnych prybytkovych pradpryjemstvaŭ, što buduć pryvatyzavanyja.
AK