Skidzielskaja veteranskaja arhanizacyja ŭ svoj čas stvaryła fotaalbom «Pamiać». Siarod zdymkaŭ jość i fota, jakomu sioleta spoŭniłasia 78 hadoŭ. Na im — siabry hurtka Tavarystva biełaruskaj škoły la domu, jaki j siońnia staić pad №19 na vulicy 17 vieraśnia. Z tych 25 siabroŭ hurtka da hetaha času nichto nie dažyŭ. A voś ludzi, jakija ich pomniać, — jość. U Horadni ŭ dački Valanciny bavić svaju staraść 93-hadovaja Nadzieja Klimienka. Farmalna siabram hurtka jana nie źjaŭlałasia, ale brała ŭ im samy aktyŭny ŭdzieł.
«U 25-m mnie stuknuła 15 hadoŭ, — raskazvaje baba Nadzieja. — Tady ŭ Skidzieli pačaŭ dziejničać hurtok TBŠ, stvaralnikam jakoha byŭ moj starejšy brat Piatro. Sabraŭ roznuju litaraturu dla biblijateki, jakuju raźmiaścili ŭ chacie maich baćkoŭ.
