Absalutnym pieramožcam 35-j Mižnarodnaj chimičnaj alimpijady siarod školnikaŭ, što prajšła ŭ Afinach, staŭ viciebski dziesiaciklaśnik Alaksiej Putaŭ. Try astatnija spaborniki — Viačasłaŭ Biernat, Alaksiej Łuščynski i Alaksandar Ždanko — uznaharodžanyja srebnymi medalami.
U Alimpijadzie brali ŭdzieł školniki z 59 krain. Alaksiej Putaŭ zdoleŭ zaniać miesca, jakoje ŭ apošnija hady tradycyjna naležała kitajskim udzielnikam. Našaja systema adukacyi, nasupierak biezhrašoŭju, daje dobryja viedy (tym, chto choča ich atrymać). Dyj šmatuzroŭnievaja systema školnych, rajonnych, abłasnych, respublikanskich alimpijadaŭ dazvalaje znajści hetyja talenty dy padtrymać ich maralna (kab jašče i materyjalna...)
Amal dziesiać hadoŭ metadyčnym kiraŭnikom chimičnych alimpijadaŭ abłasnoha i nacyjanalnaha ŭzroŭniaŭ źjaŭlajecca dacent katedry ahulnaj chimii i metodyki vykładańnia chimii BDU Viktar Chvaluk. Heta jon raspracavaŭ prahramu pieradalimpijadnaje padrychtoŭki, jakaja pryviała nacyjanalnuju kamandu da pieramohi. Niališnie dadać, što ŭ Licei BDU V.Chvaluk — nastaŭnik usich troch sioletnich srebnych pryzioraŭ.
AR
