Siarod lideraŭ apazycyjnaj «piaciorki-plus» svajoj mahutnaj postaćciu vyłučajecca kiraŭnik kamunistaŭ Siarhiej Kalakin.
Jon słuchaje Ŭładzimiera Vysockaha, lubić knihi «z sensam» i abiacaje kaliści sam napisać memuary «pra realnyja padziei, u jakich udzielničaŭ». Ja hutaryŭ ź im u jaho ścipłym kabinecie na Akademičnaj: stoł litaraj «T», šafy z tvorami ajcoŭ-zasnavalnikaŭ, kanapy, kandycyjaner. Jość čyrvony ściah, a voś partreta Lenina niešta nie vidać...
Siarhiej Kalakin: Zatoje ŭ mianie jość pracy Lenina, jany stajać u šafie pobač z tvorami Marksa i Enhielsa.
«NN»: Jak Vy staviciesia da siońniašniaj dziaržaŭnaj symboliki?
S.K.: Mahu skazać, što jana nie savieckaja. Mała taho, jana jašče i advolna źmieniena ŭžo paśla padviadzieńnia vynikaŭ referendumu 1995 h. My ličym, što byłaja savieckaja symbolika była symbolikaj pieršaj samastojnaj biełaruskaj dziaržavy, utvoranaj u 1919 h.
«NN»: Stop, a jak ža BNR pad štandaram bieł-čyrvona-biełym?
S.K.: Mahčyma, prablemu dziaržaŭnaj symboliki ŭ budučym treba abmierkavać u hramadztvie. I nia varta śpiašacca. Bo treba zrabić tak, kab dziaržaŭnaja symbolika stała rodnaj dla kožnaha hramadzianina Biełarusi. Na siońniašni momant heta druhasnaje pytańnie, u paraŭnańni z tym, jak zrabić hodnym žyćcio našych ludziej. I kali ciapier našaja «piaciorka-plus» pačnie vyrašać, jaki ściah vybrać u jakaści ściahu kaalicyi, my rassyplemsia!
Poŭny varyjant artykułu hladzicie ŭ hazecie "Naša Niva".
