12 červienia specyjalnaja ekspertnaja hrupa, jakuju ŭznačalvaje były premjer‑ministar Francyi Mišel Rakar, pradstaviła dakład pra refarmavańnie vykładańnia navukovych dyscyplin u Eŭraźviazie.
Pa słovach Januša Patočnika, Eŭrapiejskaha Kamisara pa pytańniach navuki i daśledavańniaŭ, «dakład Rakara daje absalutna dakładnyja rekamendacyi, jakim čynam možna adradzić vykładańnie navukovych dyscyplinaŭ u Eŭropie». «Zaachvočvańnie intaresa eŭrapiejskaj moładzi da navuki i technalohijaŭ jość našaj klučavoj zadačaj, kali my imkniemsia da taho, kab budučynia Eŭropy hruntavałasia na lepšym vykarystańni viedaŭ».
Dakład Rakara prapanoŭvaje istotnuju źmienu stratehii vykładańnia navukovych dyscyplin u škołach i vyšejšych navučalnych ustanovach. Rakar prapanuje pierajści ad deduktyŭnych da induktyŭnych metadaŭ vykładańnia. Kali siońnia vučniu vykładajuć hatovuju systemu viedaŭ, zasnavanuju na pierakazvańni navukovych pryncypaŭ i ich vysnoŭ, to prapanujecca zaachvočvać vučnia da samastojnaha praviadzieńnia daśledavańniaŭ, jakija adkryjuć jamu sutnaść navuki.
Akramia Mišela Rakara, u skład ekspertnaj hrupy ŭvajšli vybitnyja eŭrapiejskija navukoŭcy z Vuhorščyny, Narvehii, Niamieččyny j Švecyi.
Bolš padrabiazna — europa.eu