Pinhvinia Kodzi maryć stać słynnym serfinhistam, jak najlepšy serfer usich časoŭ Vialiki Zi. I hieroja adbirajuć na kubak pamiaci Vialikaha Zi. Niedareka Kodzi navučycca pieramahać, ale j zrazumieje, što siabroŭstva važniejšaje za lubyja pryzy…
Animacyjnaja kamedyja dla siamiejnaha prahladu stvoranaja… jak spartovy repartaž z zakadravymi pytańniami, lohkaj kameraj i podpisami: “Marski vožyk Ivan, pinhvinia Kodzi, čemapijon śvietu pa serfinhu Tank”. Kamputarnyja žyviołki dajuć interviju (!), hłybokadumna zakatyvajuć vočy (!!), a ŭ podpisach paznačajucca pinhvinovyja tytuły (!!!)…
U “dakumentalnym” spartovym repartažy ździŭlaje nievierahodnaja pramaloŭka detalaŭ: marskija chvali vyhladajuć sapraŭdnymi, kamera dryhajecca, “žyviolnaja” chronika byccam uziataja z televizii.
Hrymasy ptušak, kalmaraŭ, źviaroŭ – paciešnyja j žyvyja. A hipušny jołupień Cypa Džo – błazienskaja zorka ekranu: raździaŭbajskaja pieŭnievaja fizija, pryhody z tuziemcami i melanchaličnyja frazački. Ale kožny persanaž stužki – ad hałoŭnaha hieroja da druhaplannaha pinhviniaci maje svoj niepaŭtorny charaktar.
Žyvaja repartažnaja animacyja – dobry adpačynak dla ŭsioj siamji.