Dziaržaŭny kancertny arkiestar Biełarusi pad kiraŭnictvam Michaiła Finbierha prezentavaŭ novuju prahramu «Ŭładzimier Karatkievič.
Novyja pieśni». Padzieja adbyłasia 16 śniežnia ŭ klubie imia Dziaržynskaha.
Heta ŭžo 17-y kancert arkiestru z cykłu «Słavutyja imiony Biełarusi». Pierad tym byli stvorany prahramy na vieršy Mickieviča, Kupały i Kołasa, Baradulina. «Ja pračytaŭ usiu liryku paeta i zrazumieŭ: heta sapraŭdy nacyjanalny hienij, — pryznajecca Finbierh. — Na momant pačatku pracy isnavała tolki adna pieśnia na vierš tvorcy. Ciapier tolki ŭ našym repertuary ich blizu tryccaci. Nialohka pracavałasia z tekstami paeta, aryhinalnymi pavodle samoj budovy».
Pavodle słovaŭ Finbierha, čaściakom u arkiestru ŭźnikajuć prablemy z napaŭnieńniem zalaŭ, asabliva ŭ Miensku: «Tyja arhanizacyi, što musiać hetym zajmacca, nie zaŭždy vykonvajuć svaje abaviazki». Ci stanuć «novyja pieśni» Karatkieviča hitami? «Hity robiać na TB i radyjo. Kali jany vyrašać zrabić krok nasustrač biełaruskamu słovu, buduć hity», — kaža Finbierh.
Siarhiej Trafiłaŭ
