Administracyja Mahiloŭskaj speckamendatury ciaham dziesiaci sutak musić vyznačyć dyscyplinarnaje pakarańnie dla Artura Fińkieviča za ŭčorašni incydent. Dla palitviaźnia heta moža skončycca turemnym źniavoleńniem.
Incydent zdaryŭsia ŭviečary paśla adboju, kali Artur zajšoŭ u susiedni pakoj pa validoł. Supracoŭniki kamendatury paličyli heta parušeńniem režymu i zapatrabavali, kab chłopiec napisaŭ tłumačeńnie.
Havoryć Artur Fińkievič: «Kali ŭsio ž vyrašać dać mnie spahnańnie, to heta budzie značyć, što mianie pieraviaduć u śledčy izalatar, a potym u sudzie novaja kryminalnaja sprava pavodle 415 artykułu Kryminalnaha kodeksu (uchileńnie abo parušeńnie praviłaŭ rasparadku padčas adbyćcia pakarańnia). Mianie mohuć pakarać da troch hadoŭ pazbaŭleńnia voli».
Artur Fińkievič ad 29 červienia minułaha hodu adbyvaje pakarańnie ŭ Mahiloŭskaj speckamendatury za palityčnyja hrafici. Jon užo maje try spahnańni, jakich dastatkova, kab nie padpaści pad amnistyju.
Pakul Artur źmianiŭ miesca pracy. Ad 27 červienia jaho buduć vazić na budaŭnictva Škłoŭskaj papiarovaj fabryki.
