Ciapier u sadkach, škołach, VNU Naradžeńnie Chrystova, Vialikdzień, Radaŭnicu, Dzień maci «mohuć» śviatkavać u adpaviednaści z metadyčnymi raspracoŭkami, zroblenymi ŭ Pravasłaŭnaj carkvie. Aprača taho, Carkvie dazvolena razam z supracoŭnikami ministerstva pravodzić ekspertyzu prahramaŭ i padručnikaŭ pa pradmietach humanitarnaha cykłu. U škołach i sadkach «mohuć (ź inicyjatyvy baćkoŭ)» uvodzicca zaniatki «pravasłaŭnaha vychavańnia». Heta praduhledžvajecca prahramaj supracy, jakuju padpisali ministar adukacyi i mitrapalit Fiłaret.
Ministerstva zapeŭnivaje, što adukacyja zastaniecca śvieckaj. «Usie mierapryjemstvy pa supracy z Pravasłaŭnaj carkvoj buduć vieścisia jak pazaklasnaja i pazaškolnaja rabota», — ćvierdzić hałoŭny inspektar Minadukacyi Anatol Kučynski. Čynoŭnik admaŭlaje mahčymaść čytańnia ŭ škołach Zakonu Božaha.
Hod tamu ŭžo źjaŭlalisia čutki pra Zakon Božy ŭ škołach. Adnak tahačasny ministar adukacyi Piatro Bryhadzin zajaviŭ: «Pakul ja kiruju ministerstvam, adukacyja zastaniecca śvieckaj».
Poŭny varyjant artykułu hladzicie ŭ hazecie "Naša Niva".
Arkadź Šanski
