II Usiebiełaruski schod intelihiencyi maje adbycca 25 krasavika. Arhanizatary čakajuć, što kožnuju vobłaść buduć pradstaŭlać 50 delehataŭ.
Metaŭ schodu niekalki — padrychtoŭka da jurydyčnaj rehistracyi, abmierkavańnie moŭnaj prablemy i budučych parlamenckich vybaraŭ. «Naš schod nia maje palityčnaha charaktaru, ale abmierkavańnie staŭleńnia intelihiencyi da palityki adbudziecca abaviazkova. Intelihiencyja nie pavinna być apalityčnaj, inakš jaje buduć vykarystoŭvać u svaich metach inšyja», — pierakanany mastak Alaksiej Maračkin. Siarod inšych prablem na schodzie abmiarkujuć niadaŭna pryniatyja papraŭki ŭ «Zakon ab kultury». Na dumku mastaka, novaja redakcyja zakonu ŭvodzić dziaržaŭnuju cenzuru.
Napiaredadni Ŭsiebiełaruskaha schodu, 22 krasavika a 17-j, u biblijatecy Domu litaratara adbudziecca schod mienskaj intelihiencyi. A voś miesca praviadzieńnia ahulnaha schodu 25 krasavika arhanizatary pakul nie paviedamlajuć: bajacca, što ŭłady pačnuć pieraškadžać.
Papiarednie abmiarkoŭvajecca i data treciaha schodu — kaniec hodu. Na im pojdzie havorka pra prezydenckija vybary. Maračkin pieraścierahaje ad paśpiešlivych vysnovaŭ: «Nia treba dumać, što my robim schod pad kandydaturu peŭnaj asoby. My prosta pastarajemsia vyznačyć miesca intelihiencyi na tych vybarach».
Arkadź Šanski
