Kampazycyja «Atlety pad kalonami» z paradu 3 lipienia byccam by skradzienaja ź filmu «Alimpija» Leni Ryfienštal.
Jaki sens byŭ zakładzieny ŭ scenahrafiju hetaha palityčna-vajskovaha šoŭ? Kamentar kinakrytyka Andreja Rasinskaha.
Na paradzie 3 lipienia nie było novych vynachodak. Ułada jak vidovišča ŭłady — dla adnaho čałavieka i adnaho aktora. Kali veterany jechali na mašynach, jany machali rukoj hałoŭnamu hledaču: vidovišča pabudavana tak, byccam heta jany abaviazanyja jamu žyćciom, a nia jon — im.
Prajechali tanki, pralacieli samaloty — u krainach ź imperskaj ci tatalitarnaj tradycyjaj vajskovy parad naturalny: Francyja, Rasieja, Paŭnočnaja Kareja. Prajšła sielskahaspadarčaja technika — niekatorych vajskoŭcaŭ padobnaje susiedstva aburaje, ale što ŭ nas nie vajuje? Traktar — heta pieradavaja zbroja bitvy za ŭradžaj. Jak pieradavoj zbrojaj u baraćbie za ekanamičnuju lehitymacyju źjaŭlajucca ladoŭni «Atlant» i televizary «Haryzont».
Abaviazkovyja zbrajanoscy — spartoŭcy, jakija pakazali kampazycyju «Atlety pad kalonami». Hetaja scenka byccam skradzienaja ź filmu «Alimpija» Leni Ryfenštal. Suvoryja režymy zaŭždy lubili hreckuju klasyku.
Poŭnaściu hety artykuł možna pračytać u papiarovaj i pdf-versii "Našaj Nivy"
Andrej Rasinski
