U pačatku lipienia prajšoŭ ICH plener mastakoŭ, arhanizavany Centram imia Jazepa Drazdoviča.
U hetym hodzie jon prajšoŭ na Hłyboččynie, u vioscy Vałodźkava. Plener byŭ pryśviečany Chałakostu.
Mastaki z usioj Biełarusi pryjaždžajuć na radzimu Drazdoviča, kab addać jamu daninu pavahi, natchnicca niepaŭtornym aziornym krajem. Arhanizoŭvała plener staršynia Centru imia Jazepa Drazdoviča Ada Rajčonak (ź miastečka Hiermanavičy Šarkaŭščynskaha rajonu), prymała mastakoŭ žycharka vioski Vałodźkava Julija Buka, jakaja źjaŭlajecca deputatam miascovaha sielsavietu ad Narodnaj Hramady.
Mastaki naviedali ŭsie miescy pachavańniaŭ habrejaŭ, jakija zahinuli ŭ vajnu. Na Pliskich mohiłkach jany sustrelisia z delehacyjaj ź Izrailu. Adzin z udzielnikaŭ delehacyi byŭ rodam ź Plisy i cudam zastaŭsia žyvy.
Usich ździviła tolki źjaŭleńnie ŭčastkovaha milicyjanta, jaki pryjšoŭ nie paznajomicca z mastakami, a ŭsich pierapisać. Centar pravodzić užo dziaviaty plener, ale raniej takoha nie było. Navat letaś, kali mastaki źbiralisia ŭ pamiežnaj zonie, ich nichto nie pierapisvaŭ. Było vidać, što rabić heta ŭčastkovamu vielmi niajomka, ale što zrobiš: pastupiŭ zahad źvierchu — daviałosia jaho vykonvać. Paśla stała viadoma, što jon prasiŭ miascovych žycharoŭ z pavahaj adnieścisia da haściej.
Poŭny varyjant artykułu čytajcie ŭ papiarovaj i pdf-versii "Našaj Nivy"
Źmicier Łupač, Hłybokaje
