Maskva pamianiała vajskovaje kamandavańnie paśla šerahu parazaŭ na Kaŭkazie.
Rasiejskija vojski nie kan-tralujuć navat Hroznaha, pryznaŭ u piatuju hadavinu pačatku vajny prakuror Čačenii Ŭładzimier Kraŭčanka ŭ interviju hazecie «Kommiersant'». U traŭni zahinuŭ Kadyraŭ. U červieni partyzany atakavali Inhušeciju, źniš-čyŭšy sotniu sałdat i čynoŭnikaŭ. U lipieni partyzany napali na viosku Aŭtury i zabili 50 sałdat i milicyjantaŭ.
Rasiejskija vajskoŭcy tolki paśla taho, jak infarmacyju paviedamili niezaležnyja krynicy, pryznalisia, što boj u vakolicach Aŭturoŭ byŭ. Rasiejskaja versija adroźnivajecca ad versii vidavočcaŭ, śviedčańni jakich zapisała niezaležnaje Tavarystva rasiejska-čačenskaj družby ź Nižniaha Noŭharadu.
Adździeł partyzanaŭ siarod biełaha dnia ŭstu-piŭ u Aŭtury. Pierastrełka ciahnułasia ceły dzień, ale dapamoha abłožanym milicyjantam nia jšła. Tolki pad viečar ź niedalokich Šalaŭ prybyła kalona vojsk. Partyzany adstupili ŭ les, kab zavabić pahoniu ŭ zasadu. U načnym bai zahinuła amal 50 rasiejskich sałdat i milicyjantaŭ. 12 trapili ŭ pałon.
U toj ža čas u Hroznym byŭ ździejśnieny niaŭdały zamach na vykanaŭcu abaviazkaŭ prezydenta Čačenii Siarhieja Abramava. Abramaŭ vyžyŭ, ale, pavodle śviedkaŭ, zahinuła sama mieniej 18 milicyjantaŭ i sałdat (pavodle aficyjnych źviestak, zahinuŭ achoŭnik Abramava, a jašče dvoje byli paranieny).
SP; gazeta.pl
