Ad razhromnaje parazy ŭ paŭfinale Kubku Devisa biełarusaŭ vyratavaŭ urahan «Žanna».
Jon spyniŭ hulniu pamiž Mardzi Fišam i 15-hadovym Andrejem Karatčeniem u pieršym secie na karyść amerykanca.
U 1997 h. zbornaja ZŠA — 31-razovaja ŭładalnica «Srebnaje sałatnicy» — apošni raz hulała ŭ finale. Tamu hetym razam kapitan zbornaj ZŠA Patryk Makinroj, padobny da Džordža Buša-małodšaha, uziaŭ na paŭfinał najmacniejšych. U Čarłstan pajechali druhaja rakietka śvietu Endzi Rodzik, 29-ja — Mardzi Fiš dy druhi na siońnia duet u składzie bratoŭ Boba i Majka Brajanaŭ. Ryzykavać, jak ryzyknuli ŭ krasaviku arhientyncy, vystaviŭšy treci skład, Makinroju nie chaciełasia.
A biełarusy źmirylisia z paražeńniem jašče tut, u Miensku. Jak u vadu hladzieli stvaralniki rolikaŭ na ANT: «Ty čaho taki Mirny?», «Hud baj, Ameryka», «Arhientyna—Jamajka — 5:0». Nia vieryli ŭ pośpiech biełarusaŭ aŭtary aficyjnaha sajtu Kubku Devisa. Navat u pieršy dzień, kali jašče ničoha nia jasna, asnoŭnaja ŭvaha nadavałasia nia tolki druhomu paŭfinału miž Hišpanijaj i Francyjaj, ale j niekatorym hulniam płej-of.
Poŭnaściu hety artykuł možna pračytać u papiarovaj i pdf-versii "Našaj Nivy"
Aleh Rajaviec
