Časopis «Arche» vyciskajuć ź dziaržaŭnaj sietki raspaŭsiudu.
Ciaham niekalkich dzion numar, prymierkavany da 10-hodździa Łukašenkavaha kiravańnia (№4 za 2004 h.), adna za adnoj admovilisia pradavać mienskija kniharni — «Viedy», «Kniharnia piśmieńnika», «Padpisnyja vydańni». Razam z «łukašenkaŭskim» numaram administracyi kniharniaŭ zapatrabavali zabrać i papiarednija vypuski časopisu. Na pačatku hetaha tydnia ad raspaŭsiudu numaru admoviłasia abjadnańnie «Biełkniha».
2 kastryčnika numar byŭ skanfiskavany na biełaruska-polskaj miažy ŭ Źmitra M. U ciahniku «Miensk—Varšava» ŭ Bieraści pry nadhladzie asabistych rečaŭ pamiežniki zacikavilisia, navošta chłopiec vyvozić časopis za miažu. Adkaz «Pačytać u darozie» ich nie zadavoliŭ. «Čytać treba tvory Marksa i Enhielsa», — patłumačyli pamiežniki j biez tłumačeńniaŭ skanfiskavali numar, napisaŭšy ŭ pratakole, što časopis nielha vyvozić za miežy krainy.
AŠ
