Hrupa «Slang». (p) «Slang», 2004.
Jašče adzin debiutny dysk kalektyvu, viadomaść jakoha taksama nia nadta šyrokaja — choć lider hrupy Alaksandar Naskovič peŭny čas vystupaŭ u składzie hrupy «Flat», basist Pavał Tkačoŭ ihraŭ u bluzavaj hrupie «Spoonfull», barabanščyk Andrej Šabronaŭ vystupaŭ u roznych kalektyvach, a ŭ zapisie albomu paŭdzielničali ŭ jakaści specyjalna zaprošanych basist Rusłan Praŭda (!), Śviet (hubny harmonik, fartepijana), Kastuś Haračy (klavišnyja). Muzyka — A.Naskoviča. Teksty — roznych aŭtaraŭ, i zusim nie durnyja, nie hałasłoŭnyja. Styl — klasyčny rasiejskamoŭny chard-rok.
Niečym hetaja muzyka z nadzvyčaj jaskravym vakałam Siarhieja Fiedarenki nahadała mnie toje, što ŭ svoj čas rabiła hrupa «Suzorje». Muzykanty i nie imknucca zrabić u hetaj stylistycy niejkija revalucyjnyja adkryćci. Jany prosta niaŭchilna i piśmienna trymajucca tradycyi, adčuŭšy biezumoŭnuju padtrymku i poŭnaje razumieńnie z boku hukarežysera Alaksieja Zajcava. Była b u nas jakaja sapraŭdnaja rokavaja FM-stancyja — nie adna ź piesień hetaha albomu ratajavałasia b sa smakam i doŭha. «Druhaja viesna», «Riadom», «Ja budu ždať tiebia»… Śpis možna śmieła praciahvać. Mahčyma, adzinaja zaŭvaha: S.Fiedarenka ŭsio ž časam zališnie, jak hieroj-lichadziej niejkaha mulcika, farsuje hołas i na hetym tracić u naturalnaści.
Poŭnaściu hety artykuł možna pračytać u papiarovaj i pdf-versii "Našaj Nivy"
Słenhanuty SŁUCHAČ
