Kab vyznačyć najlepšyja knihi hodu, my źviarnulisia da dziesiaci aŭtarytetnych ekspertaŭ — krytykaŭ, vydaŭcoŭ i knihahandlaroŭ. Favarytami stali novy tom załatoha «Knihazboru», proza Piatroviča i hlancavy albom «Spadčyna Biełarusi»
2004 hod nia vyznačyŭsia niejkaj asablivaj knihaj-padziejaj, niesumniennym lideram, jak heta było letaś z «Krainaj Biełaruśsiu» Arłova i Hierasimoviča. Trojku lideraŭ skłali knihi z roznych sferaŭ — non-fikšn, mastackaja litaratura i albom. Kniha prozy Barysa Piatroviča «Ščaście być…» mieła ŭsie šancy ŭznačalić śpis (jaje nazyvali amal usie litaraturnyja krytyki), ale zusim na niamnoha jaje apiaredziła praca Časłava Piatkieviča «Rečyckaje Paleśsie». Zaviaršyŭ trojku lideraŭ albom Alaksandra Alaksiejeva j Aleha Łukaševiča «Spadčyna Biełarusi». Adrazu za imi — kniha afaryzmaŭ Siarhieja Abłamiejki ź vilenskaha vydaviectva «Naša Niva».
Mnohija z ekspertaŭ «NN» adznačali, što hod vydaŭsia bahatym na cikavyja vydańni, tamu dosyć ciažka vybrać dziasiatku najlepšych. Michaś Skobła ledź ukłaŭsia ŭ «biblijny» lik — 12. A Ŭładzimier Arłoŭ abraŭ 15 knih, ale vystavić ich «pavodle ranžyru» nie patrapiŭ: «Ja pieraličvaju knihi pavodle alfabetu i prašu kožnaj ź ich naličyć 1 bał».
U 2004-m faktyčna zaviaršylisia dva značnyja šmathadovyja prajekty — 18-tomnaja «Biełaruskaja encyklapedyja» (vydadziena ŭsia alfabetnaja častka) i šmatplanavaje daśledavańnie «Biełarusy». Razam z tym vyrasła kolkaść rasiejskamoŭnych knih, pryśviečanych historyi j kultury Biełarusi. Vital Skałaban, charaktaryzujučy svoj śpis, adznačyŭ: «Ci to ja staŭ čytać bolš pa-rasiejsku, ci to knihi takija vychodzili».
Poŭny varyjant artukułu, a taksama ŭvieś śpis čytajcie ŭ papiarovaj i pdf-versii haety "Naša Niva"
Adam Voršyč
