Na dniach syn biełaruskaha prezydenta Viktar Łukašenka naviedaŭ holf‑klub u Nachabina, što pad Maskvoj, paviedamlaje rasiejskaja hazeta «Moskovskij komsomolec». Hazeta źviazvaje vizyt Łukašenkavaha syna z budaŭnictvam šykoŭnaha kompleksu dla holfu kala biełaruskaj stalicy.
Pad jaho addali 318 hiektaraŭ u Kałodziščach — prestyžnym pasiołku, raźmieščanym na paŭnočnym uschodzie Miensku. Tam stvorać pole čempijonskaje klasy na 36 jamak i pasiołak dla hulcoŭ. Paŭstanie hatel na 100 miescaŭ i asobnyja katedžy. Centar maje adčynicca ŭ 2010 hodzie.
Holf — darahi vid sportu i ličycca hulnioju arystakratyi.
Tolki ci nie pabłytała hazeta synoŭ? Holfam musiŭ by cikavicca nia Viktar, pamočnik prezydenta pa biaśpiecy, a Dźmitry, małodšy syn, jaki kiruje prezydenckim spartovym klubam.