Opera — miesca, dzie hieroj, atrymaŭšy ŭdar kinžałam u śpinu, pačynaje śpiavać zamiest taho, kab pamierci.
Orden — znak zasłuhi pierad tym, chto ŭznaharodžvaje ardenami.
Pahadnieńnie džentelmenskaje — pahadnieńnie, na jakoje nie pahodzicca nivodzin džentelmen.
Padarožža viasielnaje — čas ad «ja chaču» da «ty pavinien».
Padzieńnie — adziny srodak vylečyć bojaź vyšyni.
Padletak — dzicia, jakomu mieć svaich nie rekamendujecca.
Padluka — čałaviek, jakomu dazvolena bolš za inšych — z taje pryčyny, što jon horšy za inšych.
Padručnik pa historyi — padručnik pa filazofii ŭ prykładach.
Padručnik pa filazofii — instrukcyja pa ekspluatacyi čałavieka.
Pazyka — srodak palapšeńnia pamiaci pazykadaŭcy.
Palicyja — instrument prymireńnia hramadzkich svabod z ładam u hramadztvie.
Palicyja konnaja — heta kali adna hałava dobra, a dźvie — lepiej.
Palavańnie — zabojstva z asałodaj.
Pamyłka — rašeńnie, viernaje pry inšych umovach.
Panika — padziei, jakija adbyvajucca paśla pieršaha zakliku da spakoju.
Paprašajnictva — heta kali prosiać chleba, kab dajeści sol.
Parada — toje, što my prosim, kali ŭžo viedajem adkaz, ale jon nam nie padabajecca.
Poŭny varyjant čytajcie ŭ papiarovaj i pdf-versii hazety "Naša Niva"