Kazulin mianie adnaviŭ
Pavał Sieviaryniec: navučaŭsia ŭ BDU za Kazulinym, pieraśledavaŭsia ŭ toj čas pa palityčnych matyvach.
Ja nie mahu adnaznačna nehatyŭna aceńvać dziejnaść Kazulina. Niekatorych studentaŭ vyklučali, u tym liku i niejkich maładafrontaŭcaŭ. Samy viadomy prykład — heta Alaksiej Šydłoŭski. Ale viadoma, heta było praz roznyja niepalityčnyja farmuloŭki, na ŭzroŭni dekanataŭ i h.d. Ja sam adnaviŭsia na navučańni sa zhodaj Kazulina. Druhi raz Kazulin rasparadziŭsia pryniać maju dyplomnuju pracu, napisanuju na taraškievicy.
Što datyčyć Kazulina jak kandydyta, dyk «Małady front» užo vyznačyŭsia z svaimi pryjarytetami. Sp. Kazulin pakul nie ŭvachodzić u hety pieralik.
Kazulin nas scementuje
Siarhiej Marcaleŭ — adličany z fakultetu mižnarodnych adnosin ŭ 1997 h.
Miarkuju, rektar nikoha asabista nie adličvaje. U mianie bolš pretenzij da majho dekana sp.Šarapy, jak toj siabie pavioŭ u toj sytuacyi. Choć ja zdaŭ sesiju, mianie adličyli farmalna za niazdaču zaliku pa medyčnaj padrychtoŭcy, sabraŭšy kamisiju z čatyroch kandydataŭ i dvuch daktaroŭ navuk.
Što da Kazulina jak kandydata ad demakratyčnaj apazycyi, u jakaści palityka jon dosyć perspektyŭnaja fihura i moža stać cementujučym źvianom, jakoha nie stavała.
Kazulin sapraŭdy ŭ peŭnaj stupieni niasie adkaznaść za palityku, što pravodziłasia va ŭniversytecie. Ale jon jak čynoŭnik musiŭ ažyćciaŭlać liniju dziaržavy. Jon ža moh pavodzić siabie i bolš žorstka.
Poŭny varyjant čytajcie ŭ papiarovaj i pdf-versii hazety "Naša Niva"
Apytvaŭ Siarhiej Bohdan
