RASIEJA ZHADAŁA AB PRAVACH ČAŁAVIEKA
Z Maskvy pryjšła viestka, jakaja moža aznačać pieramienu rasiejskaj stratehii ŭ Biełarusi. Upaŭnavažany ŭ pravoch čałavieka Rasiei Ŭładzimier Łukin 24 lutaha vykazaŭsia za stvareńnie pry im Ekspertnaje rady z udziełam pradstaŭnikoŭ Rasiei j Biełarusi — paviedamili biełaruskija pravaabaroncy. Jana razhledzieła b mahčymaść uzbudžeńnia kryminalnych spravaŭ ab palityčna matyvavanych źniknieńniach u Biełarusi adpaviedna z padstavami, jakija dajuć miždziaržaŭnyja pahadnieńni Biełarusi i Rasiei. Stvaryŭšy takuju ekspertnuju radu, Rasieja zajavić pra svaju jurysdykcyju ŭ Biełarusi. Treba dačakać raźvićcia padziej, kab rabić vysnovy nakont vypadkovaści hetaj zajavy ci jaje suviazi z sustrečaj u Bracisłavie, vyłučeńniem A.Kazulina i, šyrej, źmieny mižnarodnaha kantekstu vakoł Biełarusi.
ZDRADNIKI RADZIMY
U ZŠA svaje intaresy, u Biełarusi svaje. Inšy raz jany razychodziacca, inšy raz supadajuć. Čarhovy raz pra heta nahadała Bracisłava. Vyklikajuć ironiju naiŭnyja padziaki amerykanskamu narodu za pryniaćcie Aktu pra demakratyju z vusnaŭ kahości z apazycyi. Robicca nie da śmiechu, kali słuchaješ cyničnych aparatčykaŭ, jakija pieratvaryli biazhłuzdaje badańnie z ZŠA ŭ sens isnavańnia biełaruskaje dziaržavy i prykryvajuć im pryvatyzacyju dziaržaŭnaj ułady. Dziejańni ZŠA jany razhladajuć jak nieabjaŭlenuju vajnu. Adpaviedna, chto suprać Łukašenki — toj zdradnik radzimy. Inakš dumajuć biełarusy, jakija vitali Bušavy pažadańni svabody Biełarusi na płoščy Hviezdasłava ŭ Bracisłavie: naša zmahańnie za movu i demakratyju nie zabytaje najbujniejšaj demakratyjaj planety.
SVOJ SVAJMU
Tałkovyja parady pa vybary dziciačaj mebli prydaducca kožnaj maładoj siamji. Dasłaŭ ich nieviadomy nam čytač. Dziakuj usim, chto piša ŭ svaju hazetu.