Słoŭnik skieptyka
Sabaka — istota, jakaja pačynaje brachać štorazu, kali sprabuje raskazać pra žyćcio.
Samadur — čałaviek, jaki prahnie ŭłady tolki tamu, što sam nia ŭmieje padparadkoŭvacca.
Samastojnaść — heta kali robiš pamyłki biez dapamohi inšych.
Samota — heta kali jość telefon, a zvonić budzilnik.
Sapraŭdnaje — čas pamiž ciomnym minułym i śvietłaj budučyniaj.
Sasiska — nasieńnie kaŭbasy.
Svaboda — heta kali zabaroniena zabaraniać.
Svarka — heta kali žonka kaža, što joj niama čaho skazać, a muž abaviazany hadzinu heta vysłuchoŭvać.
Svajak daloki — čałaviek, jaki nikoli nie byvaje nastolki dalokim, jak taho chaciełasia b.
Sielanin — čałaviek, jaki viedaje, jak nadaić małako ŭ zakryty papiarovy pakiet.
Sibir — miesca, dzie łyžy znošvajucca, jak pantofli.
Skarb — pomnik tamu, chto žyŭ dobra, a skanaŭ drenna.
Skleroz — chvaroba, jakuju składana vylečyć, ale pra jakuju prosta zabyć.
Słabaść — siła, što dziejničaje ŭ procilehłym napramku.
Słenh — mova, jakaja źniała pinžak, paplavała na ruki i ŭziałasia za pracu.
Smaha — dokaz isnavańnia vady.
Son — najlepšy srodak baraćby z sanlivaściu.
Spadnica — heta kali dźvie nahi ŭ adnu kałašynu.
Spakusa — parfuma, jakuju ŭdychaješ da taje pary, pakul nie zachočaš mieć uvieś flakon.
Sponsar — čałaviek, jakomu praściej raźvitacca z hrašyma, čym rastłumačyć, adkul jany ŭzialisia.
Poŭny varyjant čytajcie ŭ papiarovaj i pdf-versii hazety "Naša Niva"