U harvykankamie adkryłasia vystava makietaŭ pomnika Ŭsiasłavu Čaradzieju.
Na abvieščany ŭ lutym konkurs adhuknułasia bahata skulptaraŭ ź Miensku, Viciebsku, Navapołacku. Čalcy arhkamitetu zaprasili pałačan addać svoj hołas za najlepšy prajekt. Praviadzieńnie apytańnia adbyvajecca z dapamohaj ankiet, u jakich paznačany numary ŭsich skulptur. Zapoŭnienyja ankiety treba apuskać u admysłovuju skryniu. Arhkamitet miarkuje źviarnucca i da ekspertaŭ z Sajuzu mastakaŭ, jakija pavinny acanić prajekty z prafesijnaha hledzišča. Zatym arhkamitet zrobić vybar i nazavie prajekt-pieramožcu. Zatym pačniecca zbor hrošaj na ŭstalavańnie bronzavaha Ŭsiasłava. Vopyt takich akcyj u połackich uładaŭ užo jość — pieravažna za hrošy miascovych pradpryjemstvaŭ i biznes-struktur letaś była adnoŭlena połackaja Śviata-Pakroŭskaja carkva. Daśviedčanyja ludzi kažuć, što favarytam konkursu źjaŭlajecca praca Alesia Šaternika (skulptar mieŭ dobrych kansultataŭ — historyka i archieolaha Siarhieja Tarasava i piśmieńnika Ŭładzimiera Arłova). Šaternik vykanaŭ svoj makiet pomnika — kniaź na kani — jašče letaś (jaho vyjava była nadrukavana ŭ «NN» №5).
Poŭny varyjant čytajcie ŭ papiarovaj i pdf-versii hazety "Naša Niva"
Połacak
