Recha Krasnapolla
26 krasavika ŭ Mahiloŭskim abłasnym sudzie byŭ abvieščany prysud u «krasnapolskaj spravie». 27 studzienia 2004 h. u Krasnapolli ŭ spartzali škoły abrynulisia pierakryćci j zabili čatyry čałavieki. Sud pryznaŭ vinavatymi ŭ słužbovaj chałatnaści vosiem čałaviek, jakija prajektavali j budavali navučalnuju ŭstanovu, — ad načalnika ŭpraŭleńnia kapitalnaha budaŭnictva da prarabaŭ i majstroŭ. Praces doŭžyŭsia siem miesiacaŭ i byŭ zakryty dla žurnalistaŭ. Usie padsudnyja atrymali ad čatyroch da šaści hadoŭ pazbaŭleńnia voli. Pakarańnie buduć adbyvać u kalonii-pasialeńni dla asobaŭ, što ŭčynili złačynstva pa nieaściarožnaści. Z hetych ludziej taksama budzie spahnany miljard rubloŭ dla kampensacyi škody paciarpiełym — a ich kala 30 čałaviek.
Kolki taho leta
Z 11 traŭnia ŭ Miensku pačniecca tradycyjnaje letniaje adklučeńnie haračaj vady z metaj padrychtoŭki ciepłasietak. Pieršymi prymuć na siabie «ŭdar» žychary, što žyvuć u damach pa vulicach Kašavoha, Vaniejeva, Daŭhabrodzkaj, Vaśniacova, Zacharava, Pulichava, Čapajeva, Frunze, Varvašeni, Bahdanoviča, Charužaj, a taksama Kalvaryjskaj, Adajeŭskaha, Matusieviča, Prytyckaha, Bieruta, niekatorych damoŭ na praspekcie Puškina.
Rada Eŭropy suprać eŭtanazii
Parlamenckaja asambleja Rady Eŭropy (PARE) vystupiła suprać lehalizacyi eŭtanazii. PARE ŭ sieradu pryniała adpaviednuju rezalucyju, što asudžaje naŭmysnaje spynieńnie čałaviečaha žyćcia. Parlamenckaja asambleja, vykazvajučy niepakoj tym, što ŭ niekatorych medycynskich ustanovach praktykujecca eŭtanazija, prapanuje krainam Rady Eŭropy stvaryć zvod praviłaŭ pa akazańni dapamohi nievylečnym pacyjentam, što doŭha znachodziacca ŭ ciažkim stanie.
Jość u revalucyi pačatak
Kala 100 čałaviek uvarvalisia ŭ sieradu ŭ budynak Viarchoŭnaha sudu ŭ Biškieku, zapatrabavaŭšy adstaŭki ŭsiaho sudziejskaha korpusu Kirhizii j staršyni Viarchoŭnaha sudu Kurmanbeka Asmonava. Ludzi abiacajuć, što nia syduć, pakul ich patrabavańnie nia budzie zadavolena. Niekalki sotniaŭ pratestantaŭ čakajuć vynikaŭ la budynku. Milicyja admoviłasia ŭžyvać siłu suprać manifestantaŭ.
AH; svaboda.org, afn.by
