Padtrymka palitviaźniaŭ ci siemjaŭ źnikłych, abarona Liceju ci haradzkoj tapanimiki — u kožnym pryncypovym pytańni niezaležnaje hramadztva dziejničaje vyklučna salidarna.
Ludzi roznych pohladaŭ, movy i viery vyjaŭlajuć vyjaŭlaje poŭnaje adzinstva na hramadzianskim uzroŭni, u bazavych pytańniach. Heta niepaźbiežna znojdzie svoj adbitak na palityčnym uzroŭni.
PUCIN NIE ZHADAŬ BIEŁARUSI ŭ svajoj pramovie na Krasnaj płoščy 9 maja. Nie zhadaŭ i Ŭkrainy, Polščy. Nie było movy pra našy krainy i ŭ jahonych šmatlikich interviju eŭrapiejskim ŚMI. Hetaha možna było čakać, choć heta, u pryncypie, aburalna. Usio ž mienavita našy krainy najbolš paciarpieli ŭ toj vajnie. Pa spraviadlivaści, dyk i z trybuny musiŭ by vystupić nie adzin Pucin, a choć by chtości z centralnaeŭrapiejskich kiraŭnikoŭ razam ź im. Pieramoha naležyć Biełarusi, Ukrainie ŭ roŭnaj stupieni z Rasiejaj. Na žal, u Rasiei byli zaniatyja samaśćviardžeńniem, a kiraŭniki Biełarusi i Ŭkrainy zanadta roznyja, kab salidarna dziejničać u intaresach dźviuch krainaŭ.
ZASTAJECCA ZAHADKAJ, ČAMU ŁUKAŠENKA, JAK I SAAKAŠVILI, Adamkus i Rujtel, mankiravaŭ parad 60-hodździa ŭ Maskvie, nasupierak raniejšym planam. Pryčyny hetaje prynižalnaje adsutnaści buduć, treba dumać, u centry ŭvahi ŚMI na hetym tydni.
ZA POMPAJ I PATETYKAJ śviatkavańnia Dnia pieramohi praśviečvaŭ farmalizm i cynizm. Aby nie parušyć zaćvierdžany scenar paradu ŭ Miensku, padletkaŭ trymali pad chałodnym daždžom. Usio dziela taho, kab zrabić z vajny pačatak biełaruskaj historyi. Pra heta piša Vital Taras.
HETY NUMAR “NN” sabraŭsia z histaryčnych materyjałaŭ. Dramatyčnaja i ramantyčnaja historyja žyćcia byłoha viaźnia Ŭładzimiera Lalkova — heta historyja kachańnia, macniejšaha za turemnyja mury. Jana budzie cikavaja nia tolki starejšamu pakaleńniu, jakoje pamiataje ściužnyja hady stalinizmu. Inšuju historyju kachańnia apaviadaje Ŭładzimier Sodal. Jaje hieroi — persanažy realnyja i histaryčnyja, Zośka Vieras i Fabijan Šantyr. Narešcie, na staroncy 17 — novyja akcenty ŭ palemicy vakoł Sajuzu vyzvaleńnia Biełarusi, što praciahvaje publikacyi minułych numaroŭ. Ale viadoma ž, pačnicie z Sofji Mienskaj. I jak tolki historyki nie zaŭvažali takoj historyi?
