Міжнародны кансорцыум «ЕўраБеларусь», Лятучы ўніверсітэт і«Беларускі журнал» запрашаюць на адкрытую лекцыю беларускага журналіста, даследчыка медыясферы Андрэя Аляксандрава «Хто будзе плаціць за якасную журналістыку?»
Журналістыка – свабодная, незалежная, якасная – была і застаецца важным інструментам будавання здаровага грамадства, а СМІ – істотнай пляцоўкай для грамадскай дыскусіі. Але ў наш час, час новых медыяў і панавання інтэрнэта, традыцыйная бізнэс-мадэль навіновых медыяў руйнуецца. Актуальным становіцца пытанне: хто і якім чынам будзе аплочваць якасную і незалежную журналістыку?
Сусветныя навіновыя медыі шукаюць адказы на гэтае пытанне. Узнікаюць і апрабоўваюцца новыя бізнэс-мадэлі, аднак яшчэ ніхто не знайшоў канчатковага адказу, ніхто яшчэ не крыкнуў «Эўрыка! Журналістыка ўратаваная!».
Ці магчыма ўжываць у Беларусі мадэлі манетызацыі навіновых СМІ, якія зараз апрабоўваюцца на Захадзе? Ці ствараюць беларускія журналісты кантэнт, за які можна плаціць? І што такое ўвогуле «якасная журналістыка»? Якім чынам беларускія журналісты адказваюць перад грамадствам, ад якога чакаюць «аплаты» сваёй працы, – і ці чакаюць яны яе ўвогуле? Запрашаем вас паразважаць над гэтымі пытаннямі разам з Андрэям Аляксандравым падчас лекцыі.
Адкрытая лекцыя«Хто будзе плаціць за якасную журналістыку?»адбудзецца 17 снежня на пляцоўцы «ЦЭХ» (пр-т Незалежнасці, 58/6).
На сайце Лятучага ўніверсітэта можна будзе далучыцца да анлайн-трансляцыи лекцыі.
Пачатак у 19.00. Уваход вольны!
Мерапрыемства адбудзецца ў межах цыкла адкрытых лекцый «Галоўнае пытанне», першая частка якога прайшла ў верасні-кастрычніку гэтага года. Калі ў «першым сезоне» пра «галоўныя пытанні» разважалі сябры Калегіўма Лятучага Ўніверсітэта – інтэлектуалы, навукоўцы ды даследчыкі, то гэтым разам мы запрасілі да ўдзелу прадстаўнікоў адной з самых дынамічных ды прадлемных сфер – сферы медыа, сродкаў масавай інфармацыі ды камунікацыі.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)