Biełarus zaniaŭ na dziciačym «Jeŭrabačańni» 9-je miesca z rasiejskamoŭnaj pieśniaj + videa vystupaŭ 45

Na mižnarodnym dziciačym konkursie pieśni «Jeŭrabačańnie-2012»12-hadovy pradstaŭnik Biełarusi Jahor Žaško (Minsk) zaniaŭ dziaviataje miesca siarod 12 udzielnikaŭ.

Žaško, jaki adkryvaŭ finał «Jeŭrabačańnia», vykanaŭ kampazicyju «A mora-mora…», nabraŭ 56 bałaŭ, paviedamlaje BiełaPAN.

Konkurs vyjhrała 10-hadovaja ŭkrainka Nastaśsia Pietryk ź pieśniaj «Nieba», jakaja atrymała 138 bałaŭ. Jana śpiavała pa-ŭkrainsku.

Pieśniu dziaŭčynka napisała sama.

Dalej iduć pradstaŭniki Hruzii (103), Armienii (98), Rasii (88), Bielhii (72), Šviecyi (70), Niderłandaŭ (69), Izraila (68), Biełarusi, Małdovy (52), Azierbajdžana (49) i Ałbanii (35).

Biełaruski ŭdzielnik atrymaŭ 10 bałaŭ ad Ukrainy (druhoje miesca), pa 7 — ad Azierbajdžana, Armienii i Hruzii (čaćviortaje), 4 — ad Rasii (siomaje), pa 2 — ad Ałbanii, Bielhii i Małdovy (dziaviataje), pa 1 — ad Izraila, Šviecyi i dziciačaha žury (dziesiataje), 12 — u jakaści bonusa (razam z astatnimi).

Hledačy Biełarusi addali pieršaje miesca Ukrainie (12 bałaŭ).

10 bałaŭ atrymała Rasija, 8 — Armienija, 7 — Šviecyja, 6 — Hruzija, 5 — Izrail, 4 — Małdova, 3 — Bielhija, 2 — Azierbajdžan, 1 — Niderłandy.

«Z ulikam stanu zdaroŭja (pierad konkursam Jahor surjozna chvareŭ), i jon, i usia kamanda ŭ cełym zrabili ŭsio, što mahli — pa maksimumie»,

— raskazaŭ BiełTA vykładčyk pa vakale biełaruskaha kankursanta, mastacki kiraŭnik art-hrupy «Biełarusy» Valeryj Šmat.

«Viadoma, my stavili na vakał, na toje, što budzie raskošnaje vakalnaje šou, — praciahnuŭ Valeryj Šmat. — Ale čałaviek marakuje, a Boh vyrakuje. Toje, što zaležała ad hołasu, udałosia nie ŭsio. I

vakalna Nastaśsia Pietryk była macniejšaj. Ale, na moj pohlad, jaje numar — nie dziciačy, u im bolš ciemry, čym śviatła».

Biełaruś vyjhravała dziciačaje «Jeŭrabačańnie» ŭ 2005 (Ksienija Sitnik) i 2007 (Alaksiej Žyhałkovič) hadach.

U 2006 hodzie było druhoje miesca (Andrej Kuniec), u 2011-m — treciaje (Lidzija Zabłockaja). Konkurs pravodzicca z 2003 hoda. Biełaruś źjaŭlajecca jaho pastajannaj udzielnicaj.

SM

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH