Pra heta lidar Libieralna-demakratyčnaj partyi Biełarusi zajaviŭ 18 śniežnia na pres-kanfierencyi.Aficyjnaje vyłučeńnie Siarhieja Hajdukieviča adbudziecca viasnoj 2013 hoda na partyjnym źjeździe.
«Kali nie abaznačycca ŭ 2013 hodzie, dyk budzie pozna. Ja nie ŭjaŭlaju, jak možna vieści prezidenckuju kampaniju, kali nie mieć zapasu jak minimum paŭtara hoda.I heta tyčycca luboha palityka, raskručanaha albo nieraskručanaha», -- cytuje słovy palityka Radyjo Svaboda.
Na jaho dumku, u novych prezidenckich vybarach buduć udzielničać čatyry, a mahčyma i try kandydaty. Jon zaznačaje, što budzie ŭvažliva pracavać sa starejšym nasielnictvam Biełarusi:
«Ja chaču źviarnuć asablivuju ŭvahu na tych, chto ŭžo pryvyk chadzić na vybary; a tyja, chto siadzić u internecie, jany mohuć i vybary pravieści ŭ internecie», — skazaŭ Hajdukievič.
Što tyčycca vynikaŭ budučaj prezidenckaj kampanii, Siarhiej Hajdukievič ličyć, što na jaje paŭpłyvajuć najpierš dva faktary: stan biełaruskaj ekanomiki na čas vybaraŭ i toje, kaho z kandydataŭ padtrymaje Maskva, paviedamlaje Radyjo Svaboda.
Siarhiej Hajdukievič udzielničaŭ u vybarach 2001 hoda, kali atrymaŭ 2,48% hałasoŭ pavodle CVK i vybarach 2006 hoda — 3,5%. Na vybarach 2010 hoda jon źniaŭ svaju kandydaturu.
0
0
0
0
0
0