Tozik aburyŭsia značnym pavieličeńniem vypusku daktaroŭ ź mieduniviersitetaŭ 12

30 studzienia na pasiadžeńni kalehii Ministerstva achovy zdaroŭja pa vynikach 2012 hoda jon adznačyŭ, što ŭ 90-ja hady vypusk ź mieduniviersitetaŭ nie pieravyšaŭ 1500 čałaviek, «i hetaha było dastatkova dla krainy,

zaraz ža vypuskajem daktaroŭ bolš, a ich brakuje».

Tozik vykazaŭ mierkavańnie, što «my pieratvarylisia ŭ «pałkavuju škołu dla susiednich dziaržavaŭ». Jon padkreśliŭ, što nie admaŭlaje pośpiechi biełaruskaj achovy zdaroŭja, ale ličyć, što «nielha taptacca na miescy».

Moža, treba zamacoŭvać kadry, a nie pavialičvać nabor u miedycynskija VNU, źviarnuŭsia Tozik da prysutnych.

Ministr achovy zdaroŭja Vasil Žarko ŭ adkaz zajaviŭ, što sioleta 2880 daktaroŭ skončać miedycynskija VNU, a ŭ nastupnym — 3200.

Pavieličeńnie naboru ŭ mieduniviersitety jon źviazaŭ z tym, što raniej vypusk nie pakryvaŭ patreby achovy zdaroŭja.

Pavodle jahonych słovaŭ, naturalnaje źmianšeńnie składaje 1100–1200 daktaroŭ u hod, a za miažu źjazdžaje 140–160 čałaviek.

Što da 1990-ch hadoŭ, pra jakija nahadvaŭ Tozik, ministr adznačyŭ, što łožkavaja baza ŭ paraŭnańni z tymi časami značna pavialičyłasia. Tady zabiaśpiečanaść uračami składała 28 na 10 tysiač nasielnictva, ciapier — 34 (u krainach Jeŭropy — 32).

Žarko padkreśliŭ, što ŭ tyja hady ŭzrovień akazańnia mieddapamohi byŭ inšym.

Naprykład, dziciačaja śmiarotnaść była ŭ niekalki razoŭ vyšejšaja, a maciarynskaja — u 20 razoŭ. Nie była raźvitaja kardyjochirurhija, nie pracavali NPC, a tolki navukova-daśledčyja instytuty. U tyja hady ŭ rajonnych centrach navat nie było reanimacyjnych adździaleńniaŭ. Takim čynam, skazaŭ Žarko, raźvićcio miedycyny zapatrabavała pavieličeńnia kadraŭ.

«Kali my vierniemsia da naboru ŭ miedycynskija VNU 1500 čałaviek u hod, my vierniemsia da taho ŭzroŭniu akazańnia miedycynskaj dapamohi, jaki byŭ u 90-ja hady», — skazaŭ ministr.

Žarko pahadziŭsia z važnaściu racyjanalnaha vykarystańnia pracoŭnych i materyjalnych resursaŭ. Naprykład, ciapier adbyvajecca źnižeńnie łožkavaha fondu (bolš čym na 700 u 2012 hodzie). Adnak «u ciapierašnich umovach narod nie hatovy da źmianieńniaŭ, heta budzie sacyjalny ŭsplosk siarod nasielnictva».

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH