Pieršuju biełaruskamoŭnuju hulniu dla androidaŭ spampavali bolš za 5000 razoŭ 2

Pieršaja biełaruskamoŭnaja hulnia dla smartfonaŭ-androidaŭźjaviłasia ŭ kastryčniku 2012 hoda. PaperHell — pryhody maleńkaha namalavanaha čałavieka — stvaryła art-studyja Pras. Hetaje słova možna pierakłaści jak «papiarovy čorcik». Hieroj hulni biehaŭ pa ekranie i ratavaŭsia ad monstraŭ, jakija padali źvierchu.

Spačatku PaperHell kaštavaŭ $1, a paśla staŭ biaspłatnym. Ci karystaŭsia jon popytam u karystalnikaŭ androidaŭ?

Na hety momant kolkaść spampovak užo pieravaliła za 5000. Pryčym najbolš pryhody papiarovaha čałavieka ŭpadabali amierykancy (23% spamovak).

Na druhim miescy Rasija (19%) i tolki na trecim — Biełaruś (12%). Paśla ź vialikim adryvam iduć Ukraina, Hiermanija, Mieksika i inšyja krainy (mienš za 3%).

Što da movy karystalnikaŭ, to rasijskaja i anhlijskaja iduć faktyčna naha ŭ nahu — 35% suprać 33%. Nahadajem, biełaruskaj movy ŭ internet-kramie prahram Google Play niama.

«Nijakaj dadatkovaj rekłamy my nie rabili, — kaža Mikałaj Tamaševič. — Spracavała sarafannaje radyjo. Darečy,

tracina spampovak aktyŭnaja — značycca, ludzi karystajucca».

Vodhuki pra PaperHell roznyja. Hulnia atrymała 30 acenak, siaredni bał — 4,1 pa 5-balnaj škale. «Nie razumieje mozh, adkul takija kamientary z acenkami, hulnia adstoj», — pišuć adnyja. «Špilu, nie adryvajučysia, užo bolš za tydzień! Usie adnakłaśniki pytajucca, dzie kupiŭ, a ja im: pacany, jana ž biaspłatnaja!», — davodziać inšyja.

Što da płatnaj viersii, to jana karystajecca našmat mienšym pośpiecham. Hulniu nabyli kala 50 čałaviek.

Ale z sabranych $50 stvaralnikam dastałasia tolki pałovu. $25 daviałosia zapłacić za stvareńnie rachunku ŭ Google Play.

Jahor Marcinovič

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH