Parłamient Kyrhyzstana pryniaŭ zvarot da mižnarodnych arhanizacyj ab sadziejničańni ŭ ekstradycyi byłoha prezidenta krainy Kurmanbieka Bakijeva i jaho brata Žanybieka Bakijeva.Tekst budzie nakiravany ŭ Mižparłamienckuju asambleju SND, JeŭrAzES, parłamienckija asamblei ADKB, ABSIE i Rady Jeŭropy.
U zvarocie parłamient Kyrhyzstana «vykazvaje surjoznuju zakłapočanaść u suviazi z tym, što Biełaruś praciahvaje ŭchilacca ad vykanańnia mižnarodnych abaviazacielstvaŭ pa ekstradycyi Kurmanbieka Bakijeva i Žanybieka (Žanyša) Bakijeva ŭ Kyrhyzstan dla adbyćcia pakarańnia».
Deputaty parłamienta Kyrhyzstana nahadvajuć, što raniej pa linii pravaachoŭnych orhanaŭ, u tym liku Interpoła, nieadnarazova nakiroŭvalisia zapyty ab ich ekstradycyi. «Siońnia, kali sud pryznaŭ ich vinavatymi, jość usie padstavy dla ich vydačy Kyrhyzstanu i ździaśnieńnia prysudu», — padkreślivajecca ŭ zvarocie.
Nahadajem, Vajenny sud Biškiekskaha harnizona 12 lutaha zavočna prysudziŭ Kurmanbieka Bakijeva da 24 hadoŭ pazbaŭleńnia voli z kanfiskacyjaj majomaści, jaho brata Žanyša Bakijeva — da pažyćciovaha źniavoleńnia z kanfiskacyjaj majomaści.
Kurmanbiek Bakijeŭ razam ź siamjoj atrymaŭ prytułak u Biełarusi.
