Trochmiascovyja kupe ŭ ciahnikach zamiest čatyrochmiascovych: katastrofa 30

Kali palicy raskładzieny, siadzieć na nižniaj možna tolki ŭhnuŭšysia.

Lusterka ŭpiorli ŭ šafku, i halicca davodzicca roŭnieńka nad stałom.

Źjavilisia razietki dla noŭtbuka, a voś biełaruskaj movaj i nie pachnie.

Palicy stali šyrokimi, a voś stolik maleńki.

Daviałosia prajechać u trochmiascovym kupe ciahnika Minsk-Varšava i mnie. Voś jakija vyvady.

Pa-pieršaje, vahony nie asnaščany vakuumnym tualetam.

U vyniku, z ulikam doŭhich mytniaŭ-miežaŭ i źmieny kołaŭ, u ciahniku amal zaŭždy zamknionyja prybiralni. Strašnaja niazručnaść.

Pa-druhoje, u starych kupe možna było i ŭdzień prylahčy, i ŭnačy pasiadzieć. Kali ŭ novych, trochmiascovych kupe pradadzieny try miescy, to dniom tam pryjdziecca siadzieć nie prylehšy, a ŭnačy — lažać, nie prysieŭšy.

Bo ŭ starych kupe adlehłaść miž nižniaj i vierchniaj palicami takaja, što možna spakojna siadzieć, a ŭ novych — adlehłaść miž siaredniaj palicaj i nižniaj takaja, što siadzieć niemahčyma. A łazić na samuju vierchniuju palicu — radaść dla dziaciej, ale pakuta dla starejšaha pasažyra.

Pa-treciaje, hukaizalacyja vahona nijakaja.

Ležačy na vierchniaj palicy, ja mižvoli ŭ drabnicach čuŭ, jak u susiednich kupe pasoł adnoj ź jeŭrapiejskich dziaržavaŭ u Biełarusi, jaki, tak supała, jechaŭ tym ža rejsam, vučyŭ spadarožnicu svajoj movie.

Pa-čaćviortaje, aciapleńnie i kandycyjanavańnie tradycyjna kulhajuć.

Niekamfortna.

Pa-piataje, sam dyzajn kupe nie idealny.

Naprykład, u starym vahonie lusterka mieściłasia na dźviarach. A ŭ novym jano źmieščana na ŭnutranaj paneli šafki nad stałom. U vyniku, halicca davodzicca navisajučy nad stolikam, što, miakka kažučy, nie dobra. A kab pahladziecca ŭ lusterka zdalok, prychodzicca ŭciskacca ŭ šafku dla vopratki, bo inakš siabie nie pabačyš.

Pa-šostaje, runduk dla valizak vuzki, mała jakaja torba tudy ŭlezie.

U vyniku čamadany čaściakom lažać prosta pad nahami.

Pa-šostaje, stolik mały, i pry im možna sieści maksimum dvaim, tady jak u starym kupe adrazu čatyry asoby mohuć adnačasova pić čaj ci hulać u karty.

Pa-siomaje, biełaruskaj movy ŭ vahonie niama nidzie. Biełarusy dla Biełaruskaj čyhunki, vidać, nie isnujuć.

Jość i plusy, viadoma. Naprykład, źjavilisia razietki. Palicy ŭ trochmiascovych kupe šyrejšyja, čym raniejšyja — poŭnyja ludzi heta aceniać.

U cełym — niezalik.

Možna zrazumieć Biełaruskuju čyhunku: zamieny kupe staroha typu na jeŭrapiejski ŭzor zapatrabavali palaki, i biełarusam zastavałasia «źlapić, što było».

Nakolki ciapierašni rejs Minsk-Vilnia kamfortny dla pasažyra, nastolki Minsk-Varšava stała niekamfortnaj.

I pry hetym ciahnik nie naležyć da liku tannych: kvitok na jaho ŭ dva baki kaštuje 180 dalaraŭ! Heta bolš, čym tanny bilet na samalot «Biełavija»! Zapłaciŭšy takija hrošy, pasažyr maje poŭnaje maralnaje prava patrabavać naležnych umovaŭ pieravozki, prynamsi, mahčymaści chadzić u tualet.

Mikoła Buhaj

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH