Minskaje «Dynama» praviadzie pieršy matč 1/8 finału handbolnaj Lihi čempijonaŭ

Handbalisty minskaha «Dynama» siońnia ŭpieršyniu startujuć u płej-of Lihi čempijonaŭ.

Na placoŭcy minskaha Pałaca sportu padapiečnyja Siarhieja Biabieški ŭ 19.00 pačali pieršy matč 1/8 finału z makiedonskim kłubam «Mietałurh» (Skopje). Sustreča ŭ adkaz hetych kamandaŭ za prava hulać u čverćfinale hałoŭnaha kłubnaha kantynientalnaha turniru adbudziecca 23 sakavika ŭ makiedonskaj stalicy.

Na hrupavoj stadyi Lihi čempijonaŭ biełaruskaja družyna zaniała 3-je miesca ŭ hrupie D uśled za ispanskaj «Barsiełonaj» i niamieckim «Bierlinam», a ich apanienty finišavali druhimi ŭ hrupie S paśla polskaha «Vivie».

Vosieńniu 2010 hoda «Dynama» i «Mietałurh» sustrakalisia pamiž saboj u kvalifikacyjnym raundzie Lihi čempijonaŭ u Partuhalii i tady minčanie atrymali pierakanaŭčuju pieramohu 27:21, što dazvoliła im upieršyniu vyjści ŭ hrupavy raŭnd hetaha turniru.

0

0

0

0

0

0

BiełTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH