Valeryj Ščukin.
Michaił Pastuchoŭ.
Anatol Labiedźka.
Alaksandr Dabravolski.
Uładzimir Hančaryk.
Stanisłaŭ Bahdankievič.
U Dzień Kanstytucyi ŭ Minsku prajšoŭ schod 11 deputataŭ apošniaha Viarchoŭnaha Savieta.Viadučymi schodu abranyja Anatol Labiedźka i Siarhiej Kalakin. Na pačatku chvilinaj maŭčańnia zhadali tych, kaho ŭžo «niama razam z nami».
A. Labiedźka zaznačyŭ: «Situacyja z ułasnaściu ŭ Biełarusi prymusiła nas sabracca razam.
Jość realnaja pahroza, što my možam stracić krainu. Nas niepakoić, što moža paŭtarycca taja «prychvatyzacyja», jakaja była ŭ Rasii.
Stanisłaŭ Bahdankievič ŭ svaim vystupie skazaŭ: «Pryvatyzacyju musić pravodzić lehitymnaja ŭłada. Bo pad vyhladam pryvatyzacyi my raspradajom ahulnanacyjanalnuju vartaść. U nas takoj ułady niama. Havaryć pra zakonnaść pryvatyzacyi niemahčyma. Druhoje —
vyšejšy orhan dziaržaŭnaj ułady musić vyznačyć pieralik dziaržaŭnych aktyvaŭ, jakija ŭ bližejšyja 15–20 hadoŭ u pryncypie nia musiać pradavacca. Ich u nas niašmat. U pieršuju čarhu heta kalijnyja soli. Heta pradavać ni za jakija hrošy nielha.Paśla treba vyznačyć, u jakich dziaržaktyvach kantrolny pakiet musić zastacca va ŭłasnaści dziaržavy.
My musim zamacavać zakanadaŭča, što heta kapitał i što jon musić być zachavany. Jaho treba tolki naroščvać. Na spažyvańnie ŭ biudžet jaho niemahčyma zaličać. Jon musić być zachavany dla nacyi, dla hramadstva. Tamu ŭłada musić adkryć sajt u internecie dla naroda: atrymali 5 miljardaŭ ad Biełtranshazu — i kudy vykarystoŭvajecie hetyja srodki? Voś heta hałoŭnaje. I pa kredytach toje samaje treba zrabić.
My žyviem nie pa srodkach. My zakładajem bombu, čarhovuju devalvacyju, čarhovaje źniknieńnie našych źbieražeńniaŭ.My musim pryjści da ŭłady praz vybary. Jak heta zrabić, ja nie viedaju. Ja ekanamist, a vy palityki. Vy kiepska pracujecie», — papikaje byłych deputataŭ Stanisłaŭ Bahdankievič.
Pa vynikach pasiadžeńnia byŭ pryniaty dakumient: «Namienkłaturnaja pryvatyzacyja — pahroza stracie ekanamičnaha suvierenitetu Biełarusi».Asnoŭnaja ideja dakumientu — što ŭsie tyja ździełki, jakija robić nielehitymnaja ŭłada, pradajučy biełaruskuju ahulnarodnuju ŭłasnać u svaich intaresach, pry źmienie ŭłady nie buduć ličycca lehitymnymi. Deputaty zaklikali ŭsich hramadzianaŭ Biełarusi dałučycca da ich zajavy.
