Na hetym tydni ŭ Biełarusi projdzie V fest ekskursavodaŭ, padčas jakoha ŭsie achvotnyja zmohuć absalutna biaspłatna paŭdzielničać u ekskursijach pa słavutych miaścinach krainy. «NN» pahutaryła z adnym z arhanizataraŭ mierapryjemstva, pradstaŭnikom HA «Biełaruski kamitet IKAMOS» Cimocham Akudovičam pra asablivaści festu sioleta.
«NN»: Kolki ekskursij zapłanavana ŭ prahramie festu?
Cimoch Akudovič: Sioleta projdzie kala 100 ekskursij. 50 ź ich zapłanavana ŭ Minsku, jašče pałova — u rehijonach. Pry hetym u rehijonach niekatoryja ekskursii možna budzie naviedać u čaćvier i piatnicu, a taksama na vychadnych. U Minsku ž usie ekskursii projduć u subotu i niadzielu.
«NN»: Piaty fest padtrymała Ministerstva sportu i turyzmu. U čym zaklučajecca padtrymka?
CA: Tak, sioleta departamient pa turyźmie akazvaje nam infarmacyjnuju padtrymku i taksama vydaść aficyjnyja padziaki ekskursavodam.
«NN»: U minułym hodzie niekatoryja ekskursii nie adbylisia praz zabaronu ŭładaŭ. Ci mahčyma paŭtareńnie situacyi?
CA: Nasamreč, u minułym hodzie niekalki ekskursij pa Hrodnie nie adbylisia, bo ich paličyli masavymi mierapryjemstvami. Sioleta my ŭžo pakłapacilisia ab uzhadnieńni ekskursij ź miascovym kiraŭnictvam.
«NN» Na jakoj movie buduć pravodzicca ekskursii?
CA: Bolšaść —
«NN»: Paviedamlałasia, što ŭ 2013 hodzie asoby akcent zrobiać na mahčymaść dostupu da ekskursij ludziej z abmiežavanymi mahčymaściami.
CA: Sioleta z arhkamitetam festu suprcoŭničali admysłovyja arhanizacyi, jakija raspracavali ekskursijnyja maršruty dla invalidaŭ pa słychu i zroku, a taksama dla invalidaŭ vazočnikaŭ. Usie śpiecyjalizavanyja ekskursii projduć u Minsku, a paśla pierśpiektyva raźvićcia padobnych maršrutaŭ budzie abmierkavana na kruhłym stale.
Raskład ekskursij hladzicie tut.