Jakub Kołas u pierakładach Viery Ryč — 25 krasavika

Viera Ryč

25 krasavika a 16-j hadzinie ŭ Dziaržaŭnym litaraturna-miemaryjalnym muziei Jakuba Kołasa adbudziecca litaraturna-muzyčnaja impreza «Jakub Kołas u pierakładach Viery Ryč».

Viera Ryč (1936—2009) — viadomaja brytanskaja pierakładčyca tvoraŭ biełaruskich i ŭkrainskich paetaŭ na anhlijskuju movu, žurnalistka, aŭtar šmatlikich publikacyj na histaryčnuju, litaraturaznaŭčuju, navukovuju tematyku.

Jaje pieršy pierakład na anhlijskuju ź biełaruskaj movy byŭ nadrukavany ŭ miunchienskaj haziecie «Baćkaŭščyna» ŭ 1957 hodzie. V.Ryč pierakłała Kupału, Kołasa, Arsieńnievu, Bahdanoviča, Haruna, Ciotku, Hienijuš, Biadulu, Krapivu, Ipatavu, Hileviča dy inšych.

Jana naradziłasia 24 krasavika 1936 hoda ŭ Łondanie. U 1960 hodzie vyjšaŭ jaje pieršy zbornik paezii «Outlines» («Abrysy»).

U 1963 hodzie vyjšaŭ jaje druhi zbornik vieršaŭ «Portents and Images» («Znaki j vobrazy»). U 1969 hodzie časopis «Nature» prapanavaŭ Viery Ryč pracavać karespandentam pa Ŭschodniaj Jeŭropie dy SSSR. U Biełaruś jana trapiła tolki ŭ 1991 hodzie.

Adras muzieja: Minsk, vuł. Akademičnaja, 3 (st. mietro «Akademija navuk»)

nn.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH