Płata za navučańnie ŭ VNU vyraście z 1 vieraśnia da 20% 4

Niekatoryja VNU padniali ceny na navučańnie.

Pavodle infarmacyi, raźmieščanaj na aficyjnym sajcie Biełaruskaha dziaržaŭnaha miedycynskaha ŭniviersiteta, košt navučańnia na pieršym kursie lačebnaha, piedyjatryčnaha, farmaceŭtyčnaha fakultetaŭ u 2013/2014 navučalnym hodzie składzie 16 młn. 400 tys. rubloŭ, stamatałahičnaha — 19 młn. 150 tys. Navučańnie na miedyka-prafiłaktyčnym fakultecie abydziecca pieršakurśniku ŭ 15 młn. rubloŭ. Raniej maksimalnaja cana za navučańnie (stamatałahičny fakultet) była 15 młn. 960 tys. rubloŭ.

Pavialičyŭ košt navučańnia i Viciebski dziaržaŭny miedycynski ŭniviersitet. Tut na pieršym kursie navučańnie na lačebnym i farmaceŭtyčnym fakultetach kaštuje 16 młn. 99 tys. 200 rubloŭ (było 13 młn. 416 tys.), na stamatałahičnym — 18 młn. 576 tys. (15 młn. 480 tys.).

Košt navučańnia ŭ Hrodzienskim miedycynskim univiersitecie — ad 15 młn. 970 tys. da 16 młn. 150 tys. rubloŭ.

Biełaruski nacyjanalny techničny ŭniviersitet paviedamlaje, što košt navučańnia dla pieršakurśnikaŭ-płatnikaŭ składzie ad 13 młn. 335 tys. da 14 młn. 720 tys. rubloŭ. Raniej maksimalny košt navučańnia va ŭniviersitecie byŭ roŭny na pieršym kursie 12 młn. 800 tys. rubloŭ.

U inšych VNU ceny pakul raniejšyja.

Raniej Ministerstva adukacyi paviedamiła, što płata za navučańnie ŭ VNU budzie pavyšana nie bolš jak na 20% z 1 vieraśnia. U 2012/2013 navučalnym hodzie košt navučańnia na płatnych adździaleńniach nie źmianiaŭsia. U 2011/2012 navučalnym hodzie navučańnie ŭ vyšejšych i siarednich śpiecyjalnych ustanovach daražeła čatyry razy: 1 vieraśnia 2011 hoda — prykładna na 20%, u kastryčniku-listapadzie — na 25%, 1 lutaha 2012 hoda — na 29%, 1 červienia — na 5%.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH